Popular Bible Verses from Efesios 1

Share

Ja̧danö, Diosnö atebobe kwo̧'wo̧ luwo̧duwinö do̧batö kwöwaisachibaduwobö Dios ökwödönö jwiinö otiwa jawa iyi̧ma, tjo̧'wo̧ luwo̧ jawa. Chömöledö, Diosma jwöbijetö ökwödönöma iteda ömöledö bakibaduwobö. Ja̧danö, ökwödönö, iteda ömöledö babibadönöma, jwiinö otiwi̧, kwo̧'wo̧ luwo̧duwi jawa iyobö jwöbijetö Diosma ökwödönöma. Ja̧danö, Diosnö atebobe do̧batö kwöwaisachibaduwobö kwo̧'wo̧ luwo̧duwinö, Diosma jwiinö juluwo̧, jö̧ba̧lö. Jo̧bama iteda ujulunö ja̧bö i̧sebijetö, Cristonöma wobajo̧ yemidanö tjeachajinö ja̧bö. Ikenama, yemidanö tjeachajinö ja̧inökwenöma yemidanö mölejȩbe kaekwachajinö ja̧bijetö Diosma, iteda ipjeanö, öwaisobekwöchobe ö̧bobö. Ikenama Diosma Jesúsnö kabebö wanijetö, inesö La'aka Luwo̧ baibanö. Chömöledö, jo̧badajayo̧ la'aka luwo̧ma deobe. Okobe deinö la'aka luwedötjö o̧penönö Jesúsma inesö La'aka Luwo̧ baibanö jo̧. Mölejȩnö ju̧kwadö tjuluwedötjöbi, böjȩnö ju̧kwadö tjuluwedötjöbi Jesúsma o̧penönö inesö La'aka Luwo̧. Jejenö jo̧be babema. Ju'winöbi jejenö ja̧kobe, Jesúsma ju'wedö la'aka luwedötjö o̧penönö inesö La'aka Luwo̧.

Ja̧danö ajayinö, böjȩ ina otidapjii Diosma omudawö junijetö ökwödönöma iteda ömöledö babibö, Jesúskwö bakobe dötewinö badibakwa̧ma. Ja̧danö, omudawö junijetö iteda öba a'otjö suli̧ jwiinö, wene jwibadö badibakwa̧ma. Chömöledö, Diosma ökwödönö ile niebobetjö̧ ida̧ökö ajayitjöda omukwatijetö ökwödönöma, Bidönöma ötjö chi̧tji̧mu batjibanö 'da̧batö chujunakwo̧sa, Jesús imidawakobetjö̧, jö̧ba̧lö. Jejenö omukwatö ösödinobetjö̧ Diosma omudawö junijetö ökwödönöma, iteda i̧tji̧mu badibobö.

Ja̧danö, Diosma ökwödönö jwiinö lȩlö̧jino edö webijetö itji̧ Jesucristonö, dö̧jibanö pjaatobö. Weinökwema ökwösobu ebawinö midawö dö̧jibanö pjaatinobetjö̧ ökwödö dusuli̧ma söbebö lobijetö Diosma.

Chömöledö, Duluwo̧ Jesús Abe'do, iteda Uluwo̧ Diosnö dösödaduwo, Diosma jwiinö otiwo̧, jö̧ba̧lö. Ökwödöma Cristokwö bakobe dötewinö dö̧jobetjö̧ Diosma do̧'wo̧ luwo̧ jawa iyinobe ökwödönöma, okobe jwiinö mölejȩbe ju̧kwi̧ jawa, otiwa jawama.