Popular Bible Verses from 1 Timoteo 2

Share

Jau, Diosma bakwo̧da, jelo̧ma deobe, ¿jö̧tö? Ja̧danö Diostjö jojodötjö ö'weje pjabato̧ma bakwo̧da, jojo babibina Cristo Jesúsda. Jo̧bada midawö woinobe, okobe deinö jojodö tjö̧jibobö. Jau, Dios badedö ujunina möle badekwachenama, Cristo Jesúsma midawö woinobe, ja̧danö jejenö Diosma öwaetjöda i̧sebinobe, okobe deinö tjö̧jibobö chösöda jö̧ba̧lö.

Ja̧danö, Jesúsnö ösödadönö weawa yötawa Timoteo, Jesúsnö ösödadönö weköbobö. Jesúsnö ösödadönö ajayi weti̧ma biya̧, Jesúsnö ösödadöma Diosnö atjebobö jo̧be. Ja̧danö, Jesúsnö ösödadö jwibö tjö̧jenama, Diosnö atjebobö jo̧be iyobö. Ja̧danö, ju'wedö jojodönö atjebobö jo̧be, Dios jobadönö pjaatobö. Ja̧danö, Diosma otiwanö iyinobetjö̧, jo̧banö atjebobö jo̧be, otiwanö pjabatö kwiyajabe jö̧ba̧lö. Ja̧danö, Jesúsnö ösödadöma Diosnö atjebobö jo̧be okobe deinö jojodönö pjaatobö. Ja̧danö, la'aka luwedönöbi, ju'wedö luwedönöbi Jesúsnö ösödadö atjebobö jo̧be Diosnöma, jobadö luwedökwö ölakwabikwawa jwiinö, wene jwiinö Diosnö ösödö dö̧jobö, ja̧danö Dios ösödi̧danö ja̧bö dö̧jobö, ökwödö Jesúsnö ösödadöma.

Ja̧danö, Jesúsnö ösödadö Diosnö ösödö ko̧ko̧kwö tjö̧bajenama, baikwö wetadönö: Ömadö Diosnö atjebobö jo̧be, ja̧danö Diosnö atjebenama, tjo̧'wo̧ sulinö ja̧nöma atjeboko, ja̧danö ju'wedönö jwöjwöbakwawö ja̧nöma atjeboko. Jau Timoteo, Dios ösödi̧danö ja̧bö ja̧nö Diosnö atjebobö jo̧be. Ja̧danö, ya̧dö Jesúsnö ösödadönöbi weta: Ya̧dö kamijido̧ 'dutjawenama, ömadö jobadönö ösödö tjedo jö̧ba̧löma 'dutjawoko, otiwanö ja̧bö ju̧kwadö ya̧dö 'dutjawi̧danö 'dutjawo. Ja̧danö, ya̧dö tjotikwobö jo̧be. Ja̧ tjotikwobö yöta̧li̧ma, nöinö sasiyu tjönönawo jö̧ba̧lö yöta̧lökö, ja̧danö nöinö tjöwö'ye di̧batakwawö ja̧tjo jö̧ba̧lö yöta̧lökö, ja̧danö nöinö oro jawa tjönönawo jö̧ba̧lö yöta̧lökö, ja̧danö nöinö mikwawi̧ kamijido̧ 'dutjawo jö̧ba̧lö yöta̧lökö. Wanedö yöta̧la tjotikwi̧ma, jobadö otiwanö ja̧bö tjö̧ji̧ma, tjotikwobedanö ji̧, ja̧danö, ya̧dö Diosnö ösödadösa jö̧ba̧lö yöba̧ladöma, otiwanö ja̧bö tjö̧jobö jo̧be.