Popular Bible Verses from Markus 9

Share

Ket kinunen ngarud ne̍ Je̍sus igina, “Ape̍ nga kunem nga, ‘No uwed kabaellam’? Ta ya kinapudnu na, awan met di mabalinan para iya toley nga mamati,” kunen na.

Ket to ama nito ebbing, dagus ngarud nga nagkagi yin, nga kinunen na ka nabileg, “Mamati yac met! Tulungan nac kay iya pagkurangan niya panamatic,” kunen na.

Ket kalpasan niyan, ito nakauneg nge̍ Je̍sus iya isa nga baley yin, uwed saludsud dito adalan na igina, ito ig-igida ngasin, nga kinunen da, “Ape̍ ngata nga madi mi nabalin nga pinagtalew to sairu?” kunen da. Ket kinunen na igida, “Ya agten iyan nga lumugan ka toley, ket madi met mapagtalew, malacsid no gapu iya panagkararag,” kunen na.

Ket ya asin, emmu tida nga napateg ngarud. Ngem no naipac ya silem nan, kumaan ngarud niya panangpasilem nu manin iyan nga asin? Ket dakayu, maiyarig kayu kuma iya uwed silem na. Ket iya agten iyan, agtutunus kayu met,” kunen na.

“Ya mangrispitar iya isa kadiya agten idi nga ebbing gapu iyaken, iyaken met ya rinispitar na. Ket ya mangrispitar iyaken, bekken nas nga iyaken ya rinispitar na, no di pe̍ ya nangibon iyaken,” kunen na.

Ta tutu met nga siguradu nga magun-gunaan nad ya orey nagan na nga toley nga agwangel ka nabaru nga maipaay iyaken, orey no yan nas mangpainum da dakayu ka isa nga tasa nga danum, no painumen dakayu gapu ta emmu da nga pasurut nakayu ya Kristu,” kunen na.

Ket kinunen ne̍ Je̍sus manin, “Ya orey nagan na nga makaigapu ka panagbasul niya isa nga agten kadidi nga tekkut nga ebbing nga agtalec iyaken, nabarbaru met para iyan nga pakaigapuwan niya panagbasul, no pagbanagan na kuma ya mabe̍sinan ya tengnged na ka dackel nga takiyew, se̍ maitemsit ka baybayin.

“Ket agten pe̍ no ya isa nga matam ya pakaigapuwan niya panagbasul mu, kotkotem kuma ngasin! Ta nabarbaru lugud no bulding ka nga makalak-am nad iya panangituray ne̍ Apu Diyus ngem ya uwed duwa nga matam, ngem maipisuc ka ngas met ka impiye̍rnu.