Popular Bible Verses from Markus 11

Share

Dikad pe̍ ibagac ngarud dakayu nga orey nagan na nga adngen nu iya kararag nu, basta patiyen nu kuma nga maalac nu, ket maipaay met nga tutu dakayu.

Tutu met nga ya orey nagan na nga toley nga madi agduwaduwa iya lemlemmet na, no di lugud mamati nga matungpal nga tutu ya ibilin na, ket mabalin nga bilinen na met yani nga tageytey, nga kunen na, ‘Maiyalis ka nga maipisuc iya baybayin,’ kunen na kuma, ket maariman met nga tutu yan nga bilin na.

Ket tunggal agsikad kayu nga agkararag e̍ Apu Diyus, no uwed pekkem iyung-ungit nu iya kapada nu, ket pakawanen nu kuma ngarudin, tasun ya Ama nu nga uwed ka langit, pakawanen nakayu pe̍ kadiya basbasul nu.

Ket iya agten iyan, kinunen ne̍ Je̍sus igida, “Masapul ngarud nga sipapati kayu e̍ Apu Diyus.

Ket nisuru na ngarud dan, nga kinunen na igida, “Naisurat met iya Bibliya nga agten idi: ‘Ya baley ku, ket maawagan nad ka baley nga pagkararagan nga agpaay kadiya toltoley diya amin nga nasnasyun,’ kunen na met iya Bibliya. Ngem dakayu, pinagbalin nu lugudin nga paguurnungan diya tulisan!” kunen na.

Ket dito toltoley nga sarsarunuwen se̍ sumarsarunu e̍ Je̍sus, nip-ipkaw da nga kinunen, “Madaydayaw ya Mangisalakan! Madaydayaw ya agparang gapu iya kinaturay niya Apu!

Madaydayaw ya umbe̍t nga panangituray niya ama tida nga Ari Dabid! Mapadayawan kuma pe̍ ya Mangisalakan enna kangatuwan nga edyan!” kunen da.