Popular Bible Verses from FILIPENSES 2

Share

A'a oe quiana jjabaquijji miquianayanei queapame poani peacuana ca peajja jayojja. A'a oe miquianayanei queapamenee poanijo jjabihuiaquijji. Jama ba'eca-ajja. Miquianaya queapamepishana, ca'a-ama poani jjabaquicue. Peacuana ca queapamenee poani bacue miquiana jama pea-ai pojjeama. A'a mahuisoneicuanajo miquianayanei queabihui pojjijo jjashahuabaquipoquijji. Peacuana miquiananijje ba'eca queabihui pomeejjijo jjashahuabapea-aiquicue.

Bacue, ma ecua Jesosa Quito queaja'anee jjashahuabaquipoquiapoa jama pea-aiya quiana oe jjashahuabaquipoquicue o jayojjaya.

Jesosa Quito yahuajoneitii Eyacuiñajji jayojja pea-ai queaca'anee nequiapoa eojjañacuanamese. Jamatii oya Eyacuiñajji jayojja queaca'anee ojjañacuana huoojeapoquiajji epopoquijjitii pojjeama jjapomeequiapoa. Ojayanei ejjashahuabaquijjijo Quito ojjañacuana huoojeapoquiajjitii epojji popajeapoa. Oya jama jjapomeequimajje jiquio meshiyasijje poeapoa, Dejjapojji epo cuayapoa. Pea onijje ba'ecacuana asahuapoquiajji epojji oya jjapomeequiapoa. Oyaneitii jjaca'a-amaquiapoa dejja jama epojji. Ojjañatii oja Chiija Eyacuiñajjija esohuijo jjashajja-ajjaquipoquiapoa. Majoya oya quijje jjaquiaquiapoa dejjacuanajo ejjamanomeequi'yojji. Majoya oya queaneenee dejja queamimishinee jama mano'yapoa acui ecuiata'apeejo ba'e.

Eyacuiñajjiya quiana jjashahuabameequicapoquianitii queaja'a ojo ba'esa epopoquijji oja esohui jayojja. Ohuaya quiana queaca'a nequimeecani oja ejjashahuabaquijji jayojja miquiana eba'epoquijji.

Oya jama jjapomeequiajo Eyacuiñajjiyanei oya queaca'aneetii epopoquijji nequimeeca'yapoa. Jamajjeya Jesosa Quitohua ojjañacuana huoojeacapoquianitii pea emeshimese dejjacuana jama pojjeama. Oja bajjani queapameneenee bacaje cuaa. Jamaya Eyacuiñajjiya Jesosaja bajjani queapameneenee pomeecapoa ojjañacuanaja oya ebajji. Majoya ojjañacuaa oya ma eyajo nequicaa, jiquio meshijo ba'ecaa, jiquio meshidojjojo anicaa pea-ai oja ecuioshajjajo nequiya bihuiacapoquijetii oja bajjani queapameneenee shajja-ajjamajje. Majoya ojjañacuaa oja enabaa huohuicaje e'ejojonei Jesosa Quito Emeshimesenei popoquianitii eojjañacuanamese. Eyacuiñajji Echii-ai bihuiacaje ojjañacuaa esohui Jesosa Quitojo jama huohuime amajje.

Miquianaja echacojjicuana queapame apoquiacue peanijje mimijajijjimaa. A'a miquiananijje ba'ecacuanajo esohui queatai jeacuayajji. Jamaya oe queapame ba'epoquicue mimijajijjima peacuananijje miquiana queamimishi ba'e peaa eaca poanijje. Eyacuiñajjija bacua poanijje ca oe queaja'a ba'epoquicue. Bacue, jiquio meshijo dejja mimishicuana queahuiso nequica. Queamimishihuisotii o pojjijo jjashahuabaquipoquiani cuana, oja bacuacuana pea-ai. Jamatii queamimishihuiso ba'ejo queaja'a pocue jiquio ecua majametacuana mecajje jijinequianitii jama oe pocue esohui queapame ona huohuipoquiajji epojji.

Jesosaja epeejji queajea ecue dohuecuana jjo'icuana, yahuajo e miquiananijje anijo ecuea esohuicuanajo quiana jjashajja-ajjaquinaje queaja'a miquiana ba'epoquijjijo. Jjeya ca eya miquianaja meshijo chama', jamajjeya quiana oe ecuea esohuicuanajo jjashajja-ajjaneiquipoquicue jamatii e chamajo. Queaca'a quiana oe ba'epoquisapocue Eyacuiñajjija ejjashahuabaquijji jayojja eba'epoquijji. Ohuaya quiana nahueca'yonaje queaja'a eba'epoquijji ojo. Eyacuiñajji queaca'aneetii, emiquianamese poani, shajjama' jayojja poanicuana queanee pomeejji pea-ai shahuabapoquiacuetii quiaa oya.