Popular Bible Verses from SANTIAGO 1

Share

Ecue dohuecuana jjo'icuana, queabihuinee oe jjabaquicue miquiana queacamajanee pomeejjicuana queahuiso poeajo. Miquianajaya eba ese queacamajanee pomeejjicuana poeajo eseya oja esohuijo queaja'a jjashahuabaquiani bacaje cuaa. Majoya miquiana queaja'atii oja esohuijo jjashahuabaquipoquimajje queaca'atii ba'epoquije jamatii ese queacamajanee pomeejjicuana poeajo.

Becaja quianaja bajjima so'o ache queapame acajji, ache aca-ajja, jamajjeya oe Eyacuiñajjinijje mimipoquicue queaja'a ebajjijo achajja queapame ba'ecajji. Ohuaya quiana queaja'a jjashahuabaquimeesahuacaje. Miquianayanei pojjeama, joya onijje mimijecuana pea-ai ohuaya queaja'a jjashahuabameesahuapea-aiquicaje. Oja esohui nahuejjimaneiya ohuaya quiana queaja'a jjashahuabameequicaje queaja'a eba'epoquijjijo. Miquiana onijje mimimajamajajo queaja'a eba'epoquijjijo oya hueyahueya-ajjanei poaje miquianaja mimijo.

Ecue dohuecuana jjo'icuana, ecuea quiana queajeanee. Eyacuiñajjiya eseya eba'ejji eyacua quiacanaje, jamajjeya quiaa oe jiquio esohui shahuabapoquiacuetii. Eyacuiñajjija esohui ohua huohuicaje ebionei oya shajja-ajjaneicue. A'a jamatii mimicuajijji oja esohui shajja-ajjajeyojjimahuajo. Majoya beca quiana quenequeneani onijje mimicuajinanamajje.

Majoya quiana oja esohuijo queaca'atii ba'epoquimajje queapame tiipoquije, ejjajja jahuani jama poaje. Eyacuiñajjiya quiana apoa popoquiani bacaje oja esohuijo queaca'atii eba'epoquijji. Cua miquiaaya saje queaja'a eba'epoquijji oja esohui jayojja ohuaya quiana quiacaje.

Bacue, Eyacuiñajjija esohui shajja-ajjajeaca-ajja jamatii. Oja esohui shajja-ajjamajje oya jayojja ba'ecapoquijji pea-ai. Oja esohui jamatii shajja-ajjajeamajje queapame quiana Eyacuiñajjiya bacani poso jjabaquije, jamatii miquianatii jjadasiaquiani.

E'e, queabihuinee pocajji joya queaca'atii ba'epoquianicuana o queacamajanee pomeejjicuana poeajo. Majoya o queacamajanee pomeejjicuana apoa poajo, jjayejjequiajo, ohuaya queaca'atii ba'epoquianiya jjeshecaje Eyacuiñajjija quia o ba'etiitii'yojji. Ojjaña joya e'ejojonei Eyacuiñajji queajea ajji poanicuaa oja quia ma ohua huohuicanaje huisotii jjeshecaje quijje mano'yomajje.

Ojjaña ese queapamenee ba'epoquijjicuana joya queapamenee poaniya eseyaya jjesheaña eyajje poe Eyacuiñajjija quiacuana queapamenee. Jama queahuisocuana quiajji poaniya majametacuana, eshequi, ba'i pea-ai panacapoa eyatahuatahuajo ejijinequijji. Eyacuiñajji oyatii nequipoquiani, oe po'yoajjaneinei. Oya pea jjashahuabaquime po'yoajjaneinei. Oja nequia eshequi epojjajonei jijipoquiani, mecajje ca jijiajja. Eyacuiñajji ca jama pojjeama.

Joya dejja, epona pea-ai esohui shajja-ajjajeajji poani jamatii oja esohui jayojja ba'eajja joya ecua dejjacuana ecojjabajjijo jjacojjabaquiani jamaya. Oya maneitiiya queacojjajehue poani jjabaquiani. Majoya oya oja ecojja shacuajjimatii poqui'yani. Jama pea-aiya poanicuana joya Eyacuiñajjija esohui shajja-ajjajeajji poanicuana. E'e, comacuanaya oja esohuijo jjashajja-ajjaquisapo-ajjanei poani.

Eyacuiñajji Echii-aiya eseya oja esohui jayojja queaja'a ba'epoquiani bacaje ese jama poajo ba'a: Echiimano'yocuana queacamaja poani bamajje eseyaya oya asahuaje. Eahuemano'yocuana queacamaja poani bamajje asahuapea-aije. Eseya jiquio meshijo ba'ecacuanaja mimishijo jjashahuabapea-aiquiajja poaje, oja mimishi a-ajja pea-ai poaje. Ese jama poajo e'ejojonei oja esohui jayojja ba'epoquiani Eyacuiñajjiya se bacaje.

Beca quiana queacamajanee pomeecani jjabaquimajje queamimishi pea-ai posapoaje majoya. A'a jama jjashahuabaquime pojji ba'a: “Eyacuiñajjiya eya queamimishi pomeesa-acani.” ¡Chojja de! Eyacuiñajji queamimishi epojjijo jjashahuabaquiajjaneinei. Eyacuiñajji ese queamimishi jama pomeeajjaneinei pea-ai. Eseya caca oe queamimishi posapoani esejayanei ejjashahuabaquijjijo. Peaa pojjeama se jama pomeecani. Eseja eyamineiya jamaya saneineicani ese queamimishi pojji.

Jesosaja epeejji joya aema'pishana peajja jayojja acani cuaa. Comaya queabihui ba'ecapoquijji jamatii oepojji aquianajji Eyacuiñajjiya oya jjeya oja bacua poani bacanijjejojoya.