Popular Bible Verses from من الإنجيل – عن مرقُس 13

Share

وإنتو رح تكونوا مكروهين من كلّ النّاس لأنكُن أتباعي بس يلّي بيتحمَّل للنهاية، بتِنكتبلُه النجاة.

فخدوا حذركُن واسهروا لأنكُن ما بتعرفوا أيمتى رح يحين هالوقت،

ولمّا ياخدوكُن تيسلموكُن، لا تقلقوا شو رح تقولوا، بس قولوا وقتا شو الله بيوحيلكُن إنكُن تقولوه، لأنّه مش إنتو يلّي رح تحكوا، الله بروحُه رح يعطيكُن الكلام وتحكوا.

بقلكُن كمان، السما والأرض بزولوا، بس كلامي ما بزول أبداً.

وبالنسبة لهيديك اليوم، ما حدا بيعرِف أيمتى موعَد هالأحداث ولا أيمتى رح تجي السّاعة، لا الملايكة يلّي بالسّما ولا حتّى سيِّد البشر. فالله الآبّ الصّمد هوّ وحدُه لّي بيعرف.

فإذا سمعتوا بمعارِك، وأخبار حروب، ما تفزعوا، هيدا الشّي لا بدّ إنّه يصير، بس مش يعني إنّه النهاية،

لهيك اسهروا لأنكُن ما بتعرفوا إيمتى بيجي صاحِب البيت، المسا، بنصّ الليل، الفجِر، أو الصّبح! فأوعى يجي يلاقيكُن غفلانين، ويلّي قلتلكُن ياه بقولوا لكلّ الناس: اسهروا! كونوا واعيين."

رح يصير فيه عداوة بين الأُمم، وتنقلب ممالِك على ممالِك، ورح يصير فيه زلازل بمحلّات كتيرة، ومجاعات كمان، بس كلّ هيدا علامات أوّليّة لأوجاع ما قبل الولادة، ولادة بداية جديدة.

بس قبل كلّ هيدا لازِم رسالتي تنتِشر بين كلّ شعوب الأرض،

كتار رح ينتحلوا إسمي ويقولوا: "أنا المسيح صفيّ الله" ورح يخدعوا ناس كتير،

أمّا إنتو فانتبهوا على حالكُن، لأنّه حَياخدوكُن عالمحاكِم وحتنضَرَبوا ببيوت العبادة، وحيسلموكُن للحكّام بتهمة إنكُن أتباعي، ووقتا بتكون فرصتكُن لتشهدوا عنّي،

لأنّه رح يظهر دجّالين كتير بيِدِّعوا إنّهن المسيح. ورح يظهر ناس بيدّعوا النّبوّة. وبيعملوا معجزات وعجايِب، بس هيدول مش أكتر من مُدّعين، وكلّ شي بدُن ياه إذا بيِقدَروا! هو تضليل المختارين،

وكمّل سيّدنا عيسى كلامُه وقال: ومن بعد هالضّيق، متل ما مذكور بكتب الأوّلين، لمّا ذكروا عدل الله وحكمُه عالضّالين، رح تعتِّم الشّمس، والقمر بيِنطُفي. وحتوقَع النجوم من السّما ويختلّ توازن القوّات الروحيّة.