Popular Bible Verses from من الإنجيل – عن متّى 18

Share

لأنّه لما بيجتمع أيّ تنين، تلاتة أو أكتر من أتباعي بإسمي، فأنا بكون بيناتُن."

وكمان بقلكُن، إذا أيّ تنين منكُن بيتّفقوا عطلب أيّ شي بالدعاء، فالله وليّي الرحمن في عُلاه بيستجِبلُن،

قام نادى سيّدنا عيسى ولد صغير ووقَّفُه بالنصّ، وقال: "بالحقيقة، إذا ما بِتْغَيْروا أفكاركُن وأعمالكُن وبتصيروا متل ولاد صغار، فما رح فيكُن تنضمّوا للمملكة الربّانية.

وهيك فيلّي بيتواضع وبصير متل هالولد الصغير، هوّ يلّي بصير مقامُه الأعظم بالمملكة الربانية.

ويلّي بيقبل ولو حتى حدا صغير من قِبَلي فكأنُّه قبلني أنا."

"وبالحقيقة بقلكُن كمان إنّه ربّ العالمين أعطاكُن القدرة على الحلّ والربط، فكل شي بتحلّوه وبتربطوه بالأرض بينحلّ وبينربط بالسما.

وهيك الوليّ الرحمن بعاملكن بنفس الطريقة إذا ما بسامح كلّ واحد فيكُن إخواتُه المؤمنين من كلّ قلبُه."

"ولكن يلّي بضلِّل حدا من أتباعي هالصغار يلّي بيوثقوا فيّي، أحسنلُه لو بيربط حجر طاحونة برقبتُه، وبكبّ حالُه بنصّ البحر.

فشو رأيكُن لو فيه واحد عندُه مية خروف، وخروف واحد بس منُن ضلّ طريقُه وضاع، ما بيترُك التسعة وتسعين عالجبل، محل ما هنّ، وبروح يفتّش عن الضايِع؟