Popular Bible Verses from من الوحي إلى النبي أشعيا 11

Share

وبحلّ عليه روح الله الحميد، روح الحكمة والفهم، روح المشورة وقوّة العزم، روح المعرفة ومخافة الله، وفرح قلبُه بخوفه من ربّه مولاه، وما بيحكُم عحدا حسب المظاهِر، ولا بحاسِب حدا عشو بيسمع بالمخفي أو بالظاهِر.

من جذع النبي داود (عليه السلام)، بفرّخ غصن جديد، ومن أصولُه الملكيّة بيثمر مَلِك مجيد،

ولكن بالعدل بيحكم للمحتاجين، وبينصف المستضعفين، وكلمتُه متل حدّ السيف بتعاقب الظالمين، وبكلمة وحدة بيقضي عالفاسدين.

فالأمانة والإخلاص ملازمينُه ومحاوطينُه على الدوام، وعلى عهدُه رح يعمّ أعظم سلام،

فما في مخلوق بكل جبل الله المقدّس العظيم، رح يأذي أو يضرّ لأنّه معرفة العليّ العظيم، رح تغمُر الأرض متل ما الميّ معبية البحار أجمعين.

فالذيب بيسكن مع الحملان، والنمر بنام مع الجديان، والعجل مع الشبل بياكلوا بأمان، وهيك صبي صغير بيقدر يرعاهُن كمان.

وبهيداك الحين، بقوم وريث مملكة النبي داود وبصير مكان تجمُّع للأمم التانيين، وبتصير بلادُه محل مجد وتكريم للعالمين.