Popular Bible Verses from Lwaḥi 7

Share

Menbaƹd i manaya xzareɣ, twaȓiɣ aṭṭas n ȓɣaci bȓa ȓeḥsab zi mkuȓ ȓgens ḏ ȓqum ḏ ccaƹb ḏ lluɣa, bedden zzaṯ i lƹarc ḏ zzaṯ i Yizmar ggin čammir ḏ acemȓaȓ, ḏeg ifassen nsen ṯaseṭṭa n tmar.

Snekkaren ṯɣuyyeṯ s jjheḏ qqaren: "Arebbi nneɣ ig iqqimen x lƹarc netta ḏ Yizmar ɣarsen ṯizemmar aḏaneɣ snejmen."

Ȓaḥeqqac Izmar iy iǧan ḏi ȓwesṭ n lƹarc aṯen yarwes, aṯen yawi akiḏes ɣar mani ǧan ȓaƹnaṣer n waman n ṯuḏarṯ. Arebbi aḏ imseḥ kuȓ ameṭṭaw zi ṯiṭṭawin nsen."

S manaya aqaṯen zzaṯ i lƹarc n Arebbi, ƹebbḏen-ṯ ǧiȓeṯ ḏ nhar ḏi ṯemziḏa ṯameqqrant nnes. Wenni iqqimen x lƹarc aṯen iḥḍa. War tȓizin war tfiḏin, war ṯen tsecmiḍ ṯfuct uȓa ḏ ȓeḥmu.

Inna-asent: "War tḍeyyaƹent ni ȓbarr ni ḏ ȓebḥar ni ḏ ȓcejjur ḥetta ɣa neḍbaƹ ṯanyarṯ n yinni iƹebbḏen Arebbi." Sȓiɣ i mecḥaȓ itwaḍebƹen: Miyya u arbeƹa u arbeƹin aȓaf zi marra ṯiqebbaȓ n Ayṯ-Israʼil.