Popular Bible Verses from Lwaḥi 11

Share

Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Ȓegnus ɣeḍben, yuweḍ-d uɣḍab nnec. Yuweḍ-d Nhar n Lḥisab ḏ Lƹiqab n yinni immuṯen. Aḏ tjaziḏ yinni ḏac ixeddmen iƹni lʼanbiya ḏ ȓmuminin nnec ṣṣaliḥin, ḏ yinni itweqqaren isem nnec s imezyanen ḏ imeqqranen. Aḏ teqḍiḏ x yinni isefsaḏen ṯamurṯ."

Aḏ ssekkeɣ ṯnayen n ȓechuḏ inu aḏ ggen arruḍ n lḥuzen aḏ xbaren iwḏan s min ƹeȓmen zi Arebbi aȓaf u miyyatayen u settin yum."

Wami ṯeƹḏu ṯeȓtiyyam ḏ uzyen nni, yuḏef ḏaysen ijjen n buḥbeȓ zi Arebbi ḏi ȓechuḏ-a, kkaren bedden x iḍaren nsen. Yinni ṯen iẓrin ṯuḏef ḏaysen ṯiggwḏi ḏ ṯameqqrant.

Ḏi ȓiyamaṯ nni iy ḏi ɣa xbaren ȓechuḏ-a s min ƹeȓmen zi Arebbi ataf aɣarsen ṯiȓi ssulṭa zi ɣa bellƹen ajenna war d icciṯ bu unẓar qaƹ. Ataf ƹaweḏ aɣarsen ṯiȓi ssulṭa aḏ arren aman ḏ iḏammen aḏ ḍeȓqen i marra lmuṣibaṯ x ṯmurṯ meȓmi ma xsen.

Ȓechuḏ nni niṯni ḏ ṯnayen n ȓcejjur n zzitun, u ƹaweḏ niṯni ḏ ṯnayen n ȓeqnaḏeȓ ig ibedden zzaṯ i Siḏi Arebbi n ddunect-a. Meȓa can yijjen irzu aḏ iḍarr ȓechuḏ nni, ataf aḏ teffeɣ ṯmessi zeg uqemmum nsen aḏ tecc ȓƹaḏyan nsen. Meȓa can yijjen irzu aṯen iḍarr, amenni iy ɣa immeṯ.