Popular Bible Verses from Ayṯ-Filippas 4

Share

War kessim bu umnus x walu. S ṯẓaǧiṯ nwem ḏ dduƹaʼ nwem akiḏsen ccuker nwem aḏ tqeddmem marra ṯimesȓayin s ṭṭalabaṯ nwem i Arebbi.

Ṯumma ȓehna n Arebbi ig itejhiḏen x marra ȓefhameṯ ḏi ddunect-a ḏ wenni iy ɣa iḥḍan uȓawen nwem ḏ ȓaƹquȓaṯ nwem ḏi Ƹisa Lmasiḥ.

Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.

Qaƹ ṯimesȓayin zemmareɣ-asent s wenni iy ḏayi iticcen jjheḏ.

Farrḥeṯ ȓebda s Siḏiṯneɣ! Aḏawem iniɣ awaȓ-a ƹaweḏ, farrḥeṯ!

Aqa Arebbi inu aḏawem yuc qaƹ min ṯeḥḏajem ƹlaḥsab agȓa nnes lƹaḍim ḏi Ƹisa Lmasiḥ.

Min ṯȓemḏem ḏ min ṯqebȓem zzayi ḏ min ṯesȓim ḏ min ṯeẓrim xafi itxeṣṣa u labud aḏ tesxeḏmem ṯimesȓayin-a. Ṯumma akiḏwem yiȓi Arebbi n ȓehna.

Itxeṣṣa aḏ d imeḍhar ṣṣbar nwem i marra iwḏan, aqa Siḏiṯneɣ yuḏes-d.

Ssneɣ aḏ ƹiceɣ ḏeg uzeyyar, ssneɣ ƹaweḏ aḏ ƹiceɣ ḏi ȓxir. Nec mamc ma ǧant ḍḍuruf inu ȓemḏeɣ ssir aḏ wajheɣ ȓxir niɣ ḏ jjuƹ, waxxa ɣari aṭṭas niɣ cwayt waha.

Awaȓ-a inu war iqqar ca rezzuɣ can ȓḥajeṯ; Lla, nec ȓemḏeɣ aḏ qenƹeɣ mammec ma ǧant ḍḍuruf inu.