Popular Bible Verses from Marqus 2

Share

Isȓa-yasen Ƹisa inna-asen: "Iwḏan iṣeḥḥan war teḥḏijin bu uḍbib, aḍbib teḥḏajan-ṯ imehȓac." Inna-asen: "Nec war d usiɣ ca aḏ ȓaɣiɣ i yinni iǧan nican, usiɣ-d ɣar yinni iƹeṣṣan."

Wami iẓra Ƹisa lʼiman nsen, inna-as i unecruf nni: "A mmi twaɣfarent-ac ȓmuƹṣiyaṯ nnec."

Uca inna-asen: "Nhar n ssebṯ n lƹibada itwaxȓeq i ssabab n bnaḏem, maci ḏ bnaḏem itwaxeȓqen i ssabab n nhar n ssebṯ n lƹibada.

War zemmiren ca aṯ siḏfen ɣar Ƹisa minzi ḏinni aṭṭas n ȓɣaci. Qeȓƹen ssqef cwayt rezmen-ṯ, sehwan anecruf nni x ṯassuṯ nnes ɣar uxxam mani iǧa Ƹisa.

Nec xseɣ aḏ tessnem belli Mmis n bnaḏem ɣares ssulṭa x ṯmurṯ ḥima aḏ iɣfar ȓmuƹṣiyaṯ." Uca inna-as Ƹisa i unecruf nni: "Aḏac iniɣ, bedd x iḍaren nnec ysi ṯassuṯ nnec ruḥ aḏ trewwḥeḏ ɣar ṯeddarṯ nnec!"

Min isehȓen aṭṭas aḏas iniɣ i unecruf-a, ma aḏas iniɣ: Twaɣfarent-ac ȓmuƹṣiyaṯ nnec? Niɣ ma aḏas iniɣ: Kkar cek, ysi ṯassuṯ nnec uyur?

Ȓexddenni ibedd x iḍaren nnes iysi ṯassuṯ nnes iffeɣ zzaṯ i yiwḏan marra. Qqimen kuȓci ḏehhcen ḥemmḏen Arebbi nnan: "Ƹemmarṣ ma neẓra manaya iwqeƹ zi qbeȓ."