Popular Bible Verses from Iƹibraniyen 10

Share

A nmun ak wayawya maci a nesmeḥ ḏi lwajib-a am mammec nnumen [nnimen] ȓebƹaḍ n yiwḏan. Lla, a ncejjeƹ ayawya, u ktar ƹaḏ xmi netwaȓa Nhar n Siḏiṯneɣ iqarreb-d.

Neccin a nxemmem mliḥ mammec iy ɣa negg a nweṣṣa ayawya x ȓemḥibbeṯ ḏ lḥasanaṯ.

A neṭṭef bȓa ma a neḍȓeq ḏi lʼamal nni iy xef ncehheḏ liʼanna Arebbi iy ḏaneɣ iweƹḏen ḏayes ttiqeṯ.

Aqa itxeṣṣa aḏ teṣbarem, mayemmi? Bac xmi ɣa ṯeggem ȓxaḍar n Arebbi, ataf aɣarwem yiȓi minzi iy kenniw iwƹeḏ.

Ɣarneɣ ijjen n ȓefqi ameqqran imɣar netta iḥekkem x ṯeddarṯ n Arebbi. Ƹlaḥsab ȓefqi-ya iy ɣarneɣ, a nqarrbeṯ ɣar Arebbi s yijjen n wuȓ ḏ acemȓaȓ ḏ yijjen n ttiqeṯ ṯejheḏ. Ƹaweḏ uȓawen nneɣ aḏ iȓin twaruccen bac ḍḍamir nneɣ aḏ itwassiṣfa war itƹeddib ca s ȓmuƹṣiyeṯ. U ƹaweḏ ddat nneɣ aḏ tiȓi twasireḏ s waman iṣfan.

Iḏen ejjeṯ ttiqeṯ nwem, nettaṯ aḏawem d ṯawi ijjen n lʼajar imɣar.

Cuf, neccin meȓa netƹic s ȓmuƹṣiyeṯ s ȓxaḍar nneɣ u nessen lḥaqiqa, ataf war ɣarneɣ bu can dbiḥeṯ aḏ tekkes ȓmuƹṣiyeṯ nneɣ. Lla, neccin ɣir netraja ijjen n Lḥisab ḏ Lƹiqab s ṯiggwḏi ḏ yijjen n ṯmessi ṯḥeddeq aḏ tecc ȓƹaḏyan n Arebbi.