Popular Bible Verses from Ayṯ-Ufasus 6

Share

Liʼanna neccin war netmenɣi ca ḍed i yiwḏan n uysum ḏ iḏammen. Lla, netmenɣa ḍed n ṯzemmar n ṯaǧest-a ṯanita n zman-a ḏ yinni ig iḥekkmen ḏ yinni ig ijehḏen ḏi ṯaǧest-a. Neccin netmenɣa ḍed n ccayaṭin iƹeffanen ig iǧan ḏeg imucan n ijennaṯen.

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Ggem xawem marra ȓesnaḥ n Arebbi bac aḏ tesbeddem min xawem itciṭṭin Ibȓis.

S manaya ysiṯ ɣarwem marra ȓesnaḥ n Arebbi bac war trekkwiȓem ca ḏi nhar n ccarr. U meȓa ṯeggim manaya marra, ataf aḏ tbeddem.

Aḏ teysim ȓebda lʼiman nwem am yijjen n lḥimaya x ufus iy zi ɣa ṯsexsim marra fȓičaṯ nni iḥarrqen n Uƹeffan nni n Ibȓis. Ysiṯ ƹaweḏ lkask n usefȓeṯ, sxeḏmem akiḏes ssif nni n Arruḥ iqeddsen ig iǧan ḏ awaȓ n Arebbi.

Beddem baƹda nican, ḥezzmem aḥezzam nni n lḥaqiqa iy teggem ḏi nneṣṣ. Ggem ƹaweḏ ṯjilit nni n ȓeḥḏiḏ n ȓḥaqq. Qqnem ṯisiȓa i iḍaren nwem bac aḏ teswejḏem ixef nwem aḏ tbeccarem s Lʼinjil n ȓehna.

Aqa awaȓ inu aneggaru: Jehḏeṯ s Siḏi Arebbi u s lquwwa nnes ṯameqqrant.

Lkitab iqqar: <Weqqar babac ḏ yemmac.> War ḏinni bu can ȓuṣiyeṯ nneɣni qbeȓ i ṯanita yuca-d akiḏes Arebbi ijjen n lwaƹd. Iƹni inna: <Ḥima aɣarek ṯiȓi marra mliḥ, ḥima aḏ iȓin wussan nnec ḏi ddunect-a ḏ izeyraren.>

Ay iḥenjiren ṭaƹem i lwalidin nwem ḏi Siḏiṯneɣ, aqa manaya nican ig iǧa.