Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin, ḏ min iƹna jjheḏ nnes imɣaren bȓa ȓeqyas ɣar neccin iy yumnen. Jjheḏ-a am wenni ig isexḏem Arebbi s lquwwa nnes ig igga ḏi Lmasiḥ wami ṯiḏ isekkar zi ȓmewṯ isɣim-iṯ x ufusi nnes ḏeg ijennaṯen. Isuƹȓa-ṯ Arebbi aṭṭas x marra ȓeḥkam ḏ ȓmexzen ḏ jjheḏ ḏ lmemlaka. Isuƹȓa-ṯ netta ƹaweḏ x kuȓ isem iy teggen ḏ isemawen, maci ɣir ḏi zman-a iy ḏi neǧa waha walakin ƹaweḏ ḏi lʼaxira.