Popular Bible Verses from Ȓexḏayem 2

Share

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓmuminin ȓebda tesȓan i ttaƹlim n arrusul, tmunen ag wayawya am wawmaṯen, tetten aɣrum ag wayawya, tẓaǧan.

Ccuren s Arruḥ iqeddsen marra iḏsen, bḏan ssawaȓen s lluɣaṯ war iǧin bu nsen amecnaw mammec ḏasen yuca Arruḥ aḏ ssiwȓen.

Ƹlaɣafla ihwa-d ijjen n ȓḥess zeg ujenna am arriḥ iy itṣuḍen s jjheḏ, yuḏef ḏi mkuȓ jjiheṯ n ṯeddarṯ mani qqimen. Ẓrin iȓesawen am iṣfeḍawen n ṯmessi iruḥ kuȓ yiȓes waḥḏes imars ij ij x kuȓ ijjen zzaysen. Ccuren s Arruḥ iqeddsen marra iḏsen, bḏan ssawaȓen s lluɣaṯ war iǧin bu nsen amecnaw mammec ḏasen yuca Arruḥ aḏ ssiwȓen.

Tmunen marra iḏsen mkuȓ nhar ḏi ṯemziḏa ṯameqqrant n Ayṯ-Israʼil. Tetten aɣrum marra ḏi ṯuḏrin nsen, tetten mecca s ȓefraḥeṯ ḏ ȓxaḍar nsen. Ḥemmḏen Arebbi, reṭṭan xasen yiwḏan marra. Kuȓ nhar yarenni-yasen Siḏi Arebbi ḏi lƹadad n yinni inejjmen.

Arebbi inna: Ḏeg wussan ineggura aḏ farɣeɣ Arruḥ inu x marra iwḏan. Ṯarwa nwem ḏ yissiṯwem aḏ ssiwȓen s min ƹeȓmen zi Arebbi. Iḥenjiren nwem aḏ ẓren lwaḥi, iwessura nwem aḏ arjan ṯirja.

Tmunen marra ȓmuminin carrcen marra ag wayawya. Znuzan agȓa nsen ḏ ȓeḥwayej nsen, ferrqen x mkuȓ ijjen min iḥḏaj.

Ssenni marra wenni iy ɣa iȓaɣan s yisem n Siḏi Arebbi ataf aḏ injem.

Ṯfuct aḏ teḏweȓ ḏ ṯaǧest, ṯaziri aḏ teḏweȓ ḏ iḏammen qbeȓ iy d ɣa yas Nhar nni ameqqran lƹaḍim n Siḏi Arebbi.