Popular Bible Verses from 2 Ayṯ-Kurinṯ 5

Share

S manaya, wenni iǧan ḏi Lmasiḥ aqa itwaxȓeq-d ḏ jḏiḏ; min iǧan ḏ aqḏim iƹḏu yusa-d min iǧan ḏ jḏiḏ.

Tuɣa wanita war ɣares bu ȓmuƹṣiyeṯ yarri-ṯ Arebbi ḏ ȓƹiḏ nneɣ ḥima aḏaneɣ yarr nican ak Arebbi.

Aqa netƹic s lʼiman maci s min netwaȓa.

Manaya marra zi Arebbi, isemṣȓaḥ-aneɣ akiḏes s Lmasiḥ yuca-aneɣ-d a nbeccar s ȓƹaheḏ n ṣṣulḥ. Iƹni Arebbi igga ḏi Lmasiḥ bac aḏ isemṣȓaḥ iwḏan akiḏes, war xasen iḥesseb ca ȓmuƹṣiyaṯ nsen. Ƹaweḏ Arebbi ikellef xaneɣ awaȓ-a wanita n ṣṣulḥ.

Falihaḏa neccin ḏ lmubcirin n Lmasiḥ, Arebbi issekk ṭṭalab nnes x ufus nneɣ. Nṭalab-ikenniw ƹlaḥsab Lmasiḥ aḏ temṣȓaḥem ak Arebbi.

Immuṯ netta ƹlaḥsab marra iwḏan bac yinni iddaren war teddaren ca i yixef nsen waha, aḏ ddaren i wenni xasen immuṯen ṯumma itwasekkar-d zi ȓmewṯ. X manayenni, zi ssa aȓ ṯsawent neccin war nxezzar ca ḏi ḥadd ƹlaḥsab ȓaƹqeȓ n ddunect-a. Waxxa nxezzar qbeȓ ḏi Lmasiḥ ƹlaḥsab ȓaƹqeȓ n ddunect-a, ȓexxu war ṯ netwiȓi ca amenni.

Liʼanna ȓemḥibbeṯ n Lmasiḥ tsayṭar xaneɣ wami nessen ijjen immuṯ ƹlaḥsab marra iwḏan. Falihaḏa ȓmewṯ nnes ḏ ȓmewṯ n marra iwḏan.