Popular Bible Verses from 2 Ayṯ-Kurinṯ 1

Share

Aḏ itwabarek Arebbi Babas n Siḏiṯneɣ Ƹisa Lmasiḥ. Netta ƹaweḏ ḏ Babas n arraḥmeṯ ḏ netta ḏ Arebbi ig itƹawan marra iwḏan. Itƹawan-aneɣ ḏi marra tamara nneɣ ḥima neccin s umƹawan-a iy zi ḏaneɣ itƹawan Arebbi nzemmar a nƹawen yinni iǧan ḏi kuȓ tamara.

Liʼanna mammec aƹeddeb n Lmasiḥ itenfeyyaḍ-d itaḏaf ḏi ṯuḏarṯ nneɣ amenni ƹaweḏ s Lmasiḥ itenfeyyaḍ-d umƹawan nneɣ.

Wah, nḥessa ḏeg yixef nneɣ belli netwaḥkam s ȓmewṯ. Iwqeƹ manayenni bac war netƹewwiȓ ca x yixef nneɣ, a nƹewweȓ x Arebbi wenni iy d isnekkaren yinni immuṯen.

Arebbi netta iy ḏaneɣ isbedden mliḥ akiḏwem ḏi Lmasiḥ. Ixḍar-aneɣ iḍbeƹ-aneɣ s ṭṭabaƹ nnes yuca-aneɣ Arruḥ nnes iggi-ṯ ḏeg wuȓawen nneɣ am ijjen n ttesbiq.

Meȓa netwazeyyar neccin aqa manayenni bac kenniw aḏ twaƹawnem bac aḏ twasnejjmem. Meȓa netwaƹawen neccin aqa manayenni bac ƹaweḏ aḏ twaƹawnem kenniw. Aqa amƹawan-a itarew-d ḏaywem ijjen n ṣṣbar xmi tƹeddabem s min netƹeddab neccin.