Popular Bible Verses from 1 Timutawus 1

Share

Aqa ijjen n wawaȓ ḏayes ttiqeṯ u labud aḏ itwaqbeȓ marra, iƹni Ƹisa Lmasiḥ yusa-d ɣar ddunect-a bac aḏ isenjem yinni iƹeṣṣan, zzaysen nec ig iǧan ḏ lƹaṣi ḏ ameqqran xasen marra.

Wami nec ḏ lƹaṣi ḏ ameqqran xasen marra iseḍhar-ayi-d Arebbi arraḥmeṯ nnes bac Ƹisa Lmasiḥ azzayi d ismeḍhar marra ṣṣbar nnes aḏ yiȓi manaya ḏ ijjen n lmiṯal i yinni iy zzayes ɣa yamnen aɣarsen ṯiȓi ṯuḏarṯ n ȓebda.

Min iƹna lɣaraḍ n ȓuṣiyeṯ-a? Lɣaraḍ nnes ḏ ijjen n ȓemḥibbeṯ iy d itasen zeg wuȓawen iṣfan ḏ yijjen n ḍḍamir ḏ aṣebḥan ḏ yijjen n lʼiman bȓa nnifaq.

Azeǧiḏ nneɣ aɣares ṯiȓi lƹaḍama i ȓebda n ȓebdaṯ, wenni ƹemmarṣ aḏ ifna ƹemmarṣ aḏ immeṯ wenni war ṯ itwiȓi ḥadd wenni iǧan ḏ Arebbi waḥḏes. Amin.

Nessen Ccariƹa-ya ƹaweḏ war d ṯexȓiq ca i yinni isemṣȓaḥen ak Arebbi. Lla, ṯexȓeq-d i yinni iǧan ḏ iƹeffanen ḏ yinni iy ḏi ṯeǧa ṯɣennant ḏ yinni war iḏeffiren ca Arebbi ḏ yinni iƹeṣṣan ḏ yinni war iṣfin ca ḏ yinni war ɣar iǧi bu ddin ḏ yinni ineqqen babaṯsen ḏ yemmaṯsen ḏ yinni ineqqen iwḏan ḏ yinni iteggen lfasad ḏ iryazen ifessḏen ak wayawya ḏ yinni itacaren iwḏan ḥima aṯen arren ḏ isemɣan ḏ yinni iqqaren ixarriqen ḏ yinni icehhḏen ẓẓur niɣ ḏ yinni iteggen can n ṯmesȓayin nneɣni iǧan ḍed i ttaƹlim n lʼiman iǧan nican.