Popular Bible Verses from 1 Ayṯ-Salunik 4

Share

Ssenni neccin iƹni yinni ƹaḏ iddaren iƹni yinni ƹaḏ aqaneɣ ḏi ddunect-a ataf akiḏsen netwarfeƹ ɣar ujenna ḏeg iseynuṯen bac a nmeȓqa ak Siḏiṯneɣ ḏi lhawa. Wa amenni akiḏes niȓi i ȓebda.

Liʼanna Siḏiṯneɣ aqa aḏ d ihwa s yixef nnes zeg ujenna s yijjen n ṯɣuyyeṯ ṯemɣar ḏ yijjen n ṯmijja n lmalak nni ameqqran ḏ zzammar nni itṣuḍen n Arebbi, ȓexddenni imettinen tuɣa yumnen zi Lmasiḥ aḏ d kkaren ḏ imezwura.

Aqa ȓxaḍar n Arebbi itxeṣṣa-kenniw aḏ tiȓim ṯeṣfam aḏ tbeƹƹḏem zi lfasad. Itxeṣṣa aḏ tessnem mamc ɣa ṯḥekmem x ddat nwem ƹlaḥsab min iǧan muqeddes ḏayes aweqqar.

Cuf, neccin ntamen belli Ƹisa immuṯ ikkar-d, ntamen ƹaweḏ belli Arebbi ƹaḏ aḏ iysi yinni iṭṭṣen ḏeg imeḍȓan iy yumnen zi Lmasih aḏ iȓin ak Ƹisa.

Netweṣṣa ƹaweḏ aḏ tḥawȓem bac aḏ tƹicem ḏi ȓhudneṯ, aḏ taḏfem ḏi ccɣuȓaṯ nwem waha, aḏ txeḏmem s ifassen nwem. Amenni iy kenniw netweṣṣa qbeȓ.

Minzi Arebbi war ḏaneɣ d iȓaɣi ca bac a nƹic ḏi min ixenzen; Lla, iȓaɣa-yaneɣ-d a nƹic ḏi min iṣfan.