Popular Bible Verses from 1 Buṭrus 4

Share

Min iǧan muhim qaƹ? Itxeṣṣa aḏ tḥibbem ayawya zeg wuȓ minzi ȓemḥibbeṯ ṯqeṭṭa x waṭṭas n ddunub.

Itxeṣṣa-yas i mkuȓ ijjen aḏ isexḏem lqudra nni iy ḏas immucen ak yiwḏan. Aḏ isexḏem nican lbaraka n Arebbi iy zi itkellaf kuȓ nnuƹ nnes.

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.

Innama, meȓa can yijjen itwaƹeddab ȓaḥeqqac netta ḏ amasiḥi itxeṣṣa-as war itseḏḥi ca, u labud aḏ isemɣar Arebbi ȓaḥeqqac iysi-d isem nnes.

Aqa yusa-d uneggaru n marra ṯimesȓayin. Iḏen itxeṣṣa aḏ d tarrem ȓbaȓ nwem aɣarwem yiȓi ȓaƹqeȓ nwem bac ataf aḏ tzemmarem aḏ tẓaǧem.

Ay imƹizzen inu, war tƹejjibem ca ƹlaḥsab ȓmiḥneṯ-a iy xawem d iwḍan am ṯmessi bac akenniw ṯjarreb. War tfekkareṯ ca belli manaya ƹajib. Lla, itxeṣṣa kenniw aḏ tfarḥem wami ṯcarrcem ḏeg uƹeddeb n Lmasiḥ bac aḏ tfarḥem ƹaweḏ aṭṭas xmi d ɣa ṯmeḍhar lƹaḍama nnes.

Labud aḏ treḥḥbem zeg wayawya am inewjiwen bȓa ma aḏ tceṯcam.

Falihaḏa yinni itwaƹeddaben s array n Arebbi, itxeṣṣa-yasen aḏ sellmen ȓaƹmar nsen ḏeg ifassen n Lxaliq nsen netta iy ḏi ṯeǧa ttiqeṯ, aḏ qqimen teggen min iǧan ḏ aṣebḥan.

Fa Ƹisa Lmasiḥ itwaƹeddeb ḏi ddat nnes. X manaya ƹaweḏ kenniw aḏ tesjehḏem ixef nwem s array nni nnes. Mayemmi? Meȓa ṯetwaƹeddbem ḏi ddat nwem, ṣafi ṯbeƹƹḏem ƹaweḏ x ȓmuƹṣiyeṯ. X manaya nhuraṯ nni iy ḏawem itɣiman ḏi ddat nwem maci aṯen ṯseƹḏum ƹlaḥsab ccehawaṯ n bnaḏem; Lla, seƹḏum-ṯen ƹlaḥsab ȓxaḍar n Arebbi.

Meȓa iwḏan tukkaren-kenniw ƹlaḥsab isem n Lmasiḥ ataf ssaƹḏ nwem, minzi Arruḥ n lƹaḍama ḏ Arruḥ n Arebbi imars-d xawem.