Popular Bible Verses from 1 Buṭrus 1

Share

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen. Ḥima a nwareṯ ijjen n wagȓa ƹemmarṣ aḏ ifna ƹemmarṣ aḏ ixsar ƹemmarṣ aḏ ikcef wenni iy ḏawem itwaxemmȓen ḏeg ujenna.

S usenjem-a kenniw ṯfarrḥem waxxa ȓebƹaḍ zzaywem twaƹeddaben ȓexxu ḏi ȓemḥayen cwayt n ȓweqṯ. Ȓemḥayen-a usint-id bac aḏ d smeḍharent illa lʼiman nwem netta aqaṯ ḏ ṣṣaḥ; netta isewwa ktar zi ddheb ig ifennan waxxa itwassiṣfa ḏi ṯmessi. Ḥima lʼiman nwem aṯ cekkaren aḏayes yiȓi ccan ḏ lqima xmi d ɣa imeḍhar Ƹisa Lmasiḥ.

Lla, itxeṣṣa aḏ tiȓim ṯeṣfam ḏi marra min teggem am mammec iṣfa Arebbi wenni iy ḏawem d iȓaɣan. Aqa yura ḏi Lkitab: Iȓiṯ kenniw ṯeṣfam minzi nec ṣfiɣ.

Iȓim am ṯarwa itṭaƹan, war ḏeffareṯ ca ccehawaṯ nni ṯiƹeffanin ṯinni iy ḏi tuɣa tƹicem ḏi ȓeqfaȓeṯ nwem iƹḏun.

Iḏen, swejḏem ȓaƹquȓaṯ nwem bac aḏ txeḏmem. Arrem-d ȓbaȓ nwem. Ggem lʼamal nwem ɣir ḏi arḍa n usenjem nni iy ḏawem d ɣa immucen xmi d ɣa imeḍhar Ƹisa Lmasiḥ.

Liʼanna: <Ccan n bnaḏem marra, am nwar n arbiƹ ig iǧa. Kuȓ bnaḏem am arbiƹ netta. Aqa arbiƹ itisraw nwar nnes iweṭṭa, maca awaȓ n Arebbi itɣima i ȓebda.>