Popular Bible Verses from 1 Ayṯ-Kurinṯ 3

Share

Ma war ṯessinem ca belli ḏ kenniw iy iǧan ḏ ṯamziḏa n Arebbi, izeddeɣ ḏaywem Arruḥ n Arebbi?

War ḏinni ḥadd izemmar aḏ igg ijjen n dsas nneɣni x wenni ḏinni itwaggen, u ḏsas-a wanita ḏ Ƹisa Lmasiḥ.

Wenni iteẓẓun ḏ wenni isessawen niṯni war ǧin ḏ walu. Wenni iǧan netta ḏ Arebbi iƹni netta iseɣmayen.

Liʼanna neccin ncarrec ak Arebbi ḏi ȓxeḏmeṯ-a. Kenniw ḏ amarjeƹ nnes ḏ ȓebni nnes.

Ijjen, meȓa ibna x dsas-a s ddheb niɣ s nnuqarṯ niɣ s ṯizra ṯiṣebḥanin niɣ s ukeccuḍ niɣ s arbiƹ niɣ s urum, ataf ȓxeḏmeṯ nnes aḏ d tban, iƹni Yum Lḥisab ḏ Lƹiqab iy d ɣa ismeḍhar manaya. U ƹaweḏ manaya aṯid ṯesmeḍhar ijjen n ṯmessi u ṯimessi-ya aḏ tṣaḥḥeḥ man nnuƹ n ȓxeḏmet iy igga mkuȓ ijjen.

Fa wenni iteẓẓun ḏ wenni isessawen ȓxeḏmeṯ nsen ḏ ijjen, kuȓ ijjen aṯ ijaza ƹlaḥsab ȓxeḏmeṯ nnes.

Itxeṣṣa war ḏinni itiȓi ḥadd ixeddeƹ ixef nnes. Meȓa ḏinni can yijjen jarawem iḥesseb ixef nnes ḏ amiɣis ḏi zman-a, itxeṣṣa aḏ iḏweȓ ḏ abuhaȓi zaƹma bac aḏ yiȓi ḏ amiɣis.