Popular Bible Verses from 1 Ayṯ-Kurinṯ 1

Share

Walakin Arebbi ixḍar min iǧan ḏ ṯubbuhȓiya ɣar yiwḏan n ddunect-a ḥima aḏ ifḍeḥ yinni itefhamen zaƹma. Ixḍar Arebbi min iḍeƹfen ḏi ddunect-a ḥima aḏ ifḍeḥ yinni ijehhḏen.

Cuf, awaȓ n ṣṣalib netta ḏ ṯubbuhȓiya waha ɣar yinni war inejjmen ca, walakin ɣar neccin inejjmen awaȓ-a netta ḏ jjheḏ n Arebbi.

Mayemmi? Liʼanna zaƹma ṯubbuhȓiya n Arebbi nettaṯ ṯsefham ktar zi ȓefhameṯ n bnaḏem, zaƹma ḍḍuƹef n Arebbi netta ijheḏ ktar zi jjheḏ n bnaḏem.

Arebbi ḏayes ttiqeṯ, zzayes iy ḏaneɣ d yusa uȓaɣi a nƹacar Memmis iƹni Siḏiṯneɣ Ƹisa Lmasiḥ.

Fa tettareɣ zzaywem ay ayṯma s yisem n Siḏiṯneɣ Ƹisa Lmasiḥ, msefhameṯ ak wayawya ḥima war itiȓi bu lxilaf jarawem. Itxeṣṣa kenniw aḏ tiȓim kif-kif ḏi ȓaƹquȓaṯ nwem ḏ array nwem.

Wenni itefhamen zaƹma, ȓexxu mani iǧa? Amseȓmaḏ n ccariƹa zaƹma, ȓexxu mani iǧa? Lfilasuf n ȓweqṯ-a zaƹma, ȓexxu mani iǧa? Yak Arebbi isbuheȓi ȓefhameṯ n yiwḏan n ddunect-a ṯanita?