Popular Bible Verses from ABAROOMA 14

Share

Obwakabaka bwa Katonda tebuli mu kulya na kunywa, wabula mu butuukirivu na mirembe na ssanyu, Mwoyo Mutuukirivu by'atuwa. Aweereza bw'atyo Kristo, asanyusa nnyo Katonda, era abantu bamusiima.

Bwe tubeera abalamu, tuba balamu ku bwa Mukama. Era bwe tufa, tufa ku bwa Mukama. N'olwekyo oba tuba balamu oba tufa, tuba ba Mukama.

Kale tunyiikirirenga ebireeta emirembe n'ebiyamba buli omu okuzimba munne.

Kale tulekere awo okunenyagananga, naye mumalirire obutaleetawo kyesittaza wa luganda oba ekimusuula mu kibi.

kubanga kyawandiikibwa nti: “Mukama agamba nti: nga bwe ndi omulamu, buli muntu alinfukaamirira. Era buli muntu alintendereza nze Katonda.” N'olwekyo buli muntu mu ffe alyennyonnyolerako mu maaso ga Katonda.

Atali munywevu mu kukkiriza temumugobaganyanga, naye era temuwakananga naye ku ebyo by'abuusabuusaamu.

Ggwe ani anenya omuweereza w'omulala? Mukama we ye asalawo oba akola bulungi oba akola bubi. Era ajja kukola bulungi, kubanga Mukama ye amusobozesa okuyimirirawo.