Popular Bible Verses from VHAROMA 12

Share

Ni songo edzisa matshilele a vha shango ḽino, aiwa, Mudzimu kha a ni fhe mihumbulo miswa, ni shanduke, uri ni kone u ṱalukanya zwine Ene a funa – zwivhuya, zwi mu takadzaho, zwi si tshiṱahe.

Ndi a ni kwengweledza-ha vha hashu, vhunga Mudzimu o ri pfela vhuṱungu vhungafhangafha, ndi ri: ḓikumedzeni tshoṱhe ni vhe nduvho khethwa i tshilaho, i takadzaho Mudzimu. Ndi hone u luvha Mudzimu zwi tshi bva mbiluni.

Vhunga ni na zwe na lavhelela, pembelani; ni si fhele mbilu naho ni tshi tambudzwa; ni dzule ni tshi rabela.

Ni songo vhuswa nga vhuvhi; ni vhu kunde nga u tonda.

Funanani sa vhana vha musadzi, ni takalelane. Ni pikisane kha u hulisana.

Lufuno lwaṋu lu songo vha lwa u hoya; nengwani zwivhi, ni nambatele zwivhuya.

Dzulani ni tshi konana na vhathu vhoṱhe nga hune zwa konadzea, phambano dzi si thome kha inwi.

Vhafunwa, ni songo ḓilifhedzela, khaṱhulo i vhe ya Mudzimu, ngauri zwo ṅwalwa ha pfi, “ ‘U lifhedza ndi hanga, ndi Nṋe ane nda tevhedza,’ hu tshi amba Muṋe washu.”

Shumelani Muṋe washu ni sa teledzi, no tou ḓifunga nga mbilu yoṱhe.

Mudzimu nga vhuthu hawe o nṋea uri ndi ni laye noṱhe, ndi ri: hu songo vhuya ha vha na muthihi waṋu ane a kalula u ḓifhima. Ndi khwiṋe a tshi ḓiṱukufhadza a tevhedza muelo wa lutendo lwe Mudzimu a mu kovhela.

Ni songo lifhedza vhuvhi nga vhuvhi na kathihi. Ḓiimiseleni u ita zwine vhoṱhe vha kona u vhona zwi zwivhuya.

Anḓanani nga tshaṋu; ni songo lilela vhuhulwane, ni ḓiite vhathihi na vhaṱuku; ni songo ḓifhima ni vha ḓivhesaho.

“Swina ḽau ḽí na nḓala u ḽi ṋee ḽi ḽe; ḽí na ḓora ḽi ṋee ḽi nwe. Ndi hone ḽi tshi ḓo tou niwa nga ṱhoni ḽa ḓisola.”

Vha ni tovholaho ni songo vha teketela, ni ri zwi vha nakele. Ni takale na vha takalaho, vha lilaho ni lile navho.

Vhakhethwa vha Mudzimu vha tshi shaya ni vha kovhele zwine na vha nazwo, ni takalele vhaeni.

Kha muvhili muthihi hu na miraḓo minzhi, miraḓo yone i si vhe na mushumo muthihi; sa zwenezwo na riṋe, naho ri vhanzhi ri muvhili muthihi nge ra vha vhathihi na Khristo; ri miraḓo ya muvhili muthihi i angulanaho.