Popular Bible Verses from VHAROMA 1

Share

A thi shoni ndi tshi amba mafhungo maḓifha. Hufha e one maanḓa a Mudzimu a u tshidza vhoṱhe vha mu fulufhelaho. O thoma kha Majuda, zwino o no swika na kha vhannḓa.

A ri dzumbululela nḓila ine vhathu vha pfi vhavhuya nga Mudzimu. Ndi nga lutendo fhedzi, unga ho ṅwalwa ha pfi, “Hu ḓo tshila we a pfi muvhuya nga u fulufhela Mudzimu.”

Naho zwine Mudzimu a vha zwone zwi sa vhonali, vhathu vha nga zwi vhona zwavhuḓivhuḓi arali vha tshi sedza mishumo yawe. Tshee shango ḽa sikiwa maanḓa awe a sa fheli na zwine a vha zwone zwi khagala, lune hu si vhe na ḽine vha nga ḓilandula ngaḽo

ngauri naho vha tshi ḓivha uri Mudzimu u hone, a vha vhuyi vha mu vhona e Mudzimu, na u livhuha a vha mu livhuhi. Ndi zwine vha humbula zwi siho, mbilu dzavho dza swifhala nga vhutsilu.

Vho laṱa Mudzimu vhukuma vha nanga mazwifhi, vha luvha tshisikwa vha shumela tshone, vha litsha u luvha Musiki, Ene o fanelaho u rendwa na lini na lini. Amen.

Zwiṅwe zwine Mudzimu a dovha u dzumbulula zwi tshi bva ṱaḓulu ndi u vhenga vhuvhi ha vhatshinyi vha no tou kanganyisa ngoho nga vhutshinyi havho.

Mudzimu o ḓo vha ṅaledzela kha nyemulo dzi shonisaho. Vhasadzi a vha tsha ita zwine zwa anḓana na tsiko yavho; vha vho itana zwa vhuṱudzi nga tshavho. Na kha vhanna zwo ralo: vho litsha zwa u funana na vhasadzi zwi anḓanaho na tsiko yavho; vha vho tou swa nga dzinyemulo, munna a tshi ita zwi shonisaho na munna ngae. Ndi zwe vha wana ngazwo ṱhamu yo fanelaho vhuṱudzi havho. Zwino vhunga vho vhona u tenda Mudzimu zwi sa vha farisi, Mudzimu o vha ṅaledzela kha mihumbulo i sa ḓivhalei, vha ita zwi songo ḓaho

Vha ḓiita vhaṱali ngeno vhe matsilu, vha litsha u luvha Mudzimu wa lini na lini wa vhugala, vha vho luvha zwifanyiso zwa vhathu vha faho na zwa zwiṋoni, na phukha, na dziṋowa.