Popular Bible Verses from MIRERO 2

Vhuṱali ndi mpho ya Muṋe washu, nḓivho na ṱhalukanyo zwi bva mulomoni wawe.

Ṅwananga, arali wa pfa maipfi anga, wa vhulunga ndaela dzanga, nḓevhe dzau dza thetshelesa vhuṱali, mbilu yau ya ṱalukanya – ndi ngoho, arali wa vhidzelela nḓivho, wa huwelela ṱhalukanyo, wa i ṱoḓa unga siliva, wa i ṱoḓisesa unga lupfumo lwo dzumbwaho, ndi hone u tshi ḓo ṱalukanya uri u ofha Muṋe washu zwi amba mini, wa vhona uri u ḓivha Mudzimu ndi mini.

Vha si na vhufhura u ḓo ita uri zwi vha nakele, ndi Ene tshiṱangu tsha vho faraho nḓila i sa solisei. U linda nḓila dza vha no ita zwi re zwone, a tsireledza vhalanda vhawe vha fulufhedzeaho.

vha si na vhufhura vha ḓo kovhelwa shango, vha sa solisei vha ḓo sala khaḽo. Vhavhi vhone vha ḓo swielwa shangoni, vha vhufhura vha ḓo tupulwa khaḽo.

Ndi hone u tshi ḓo kona u tinya musadzi wa phombwe, ane a u fhura nga lulimi lwa u ḓifha, hone e wa muṅwe, ó ṱala munna we a mu vhinga a tshee nga hawe, a hangwa mulanga we a vhofha na Mudzimu wawe