Popular Bible Verses from VHAFILIPI 4

Share

Hu songo vha na tshithu na tshithihi tshine tsha ni ḽisa mbilu; zwoṱhe zwine na lila ni vhudze Mudzimu nga thabelo, ni sa hangwi u livhuha.

Mulalo wa Mudzimu u sa ṱalukanywi nga muthu u ḓo linda mbilu dzaṋu na mihumbulo yaṋu uri ni dzule ni vha Khristo Yesu.

Vha hashu, tsho salaho ndi ri: mihumbulo yaṋu kha i livhe kha zwi re zwa ngoho fhedzi na kha zwi re na tshileme na kha zwo teaho na kha zwi si tshika na kha zwi tamisaho na kha zwi khoḓeaho – zwoṱhe zwi no nga sa hezwo, zwo fanelaho na zwi takadzaho fhedzi.

Muṋe washu u mpha maanḓa nda kona zwoṱhe hezwo.

Vhunga ni vha Muṋe washu ndi ri: dzulani no takala! Ndi a dovha nda tou khwaṱhisa nda ri: takalani nandi!

Lupfumo lune Mudzimu wanga a ri ṋea nga Khristo Yesu a lu gumi; u ḓo ni ṋea zwoṱhe zwine na lila lwa u tou pfuka ndinganyo.

Ni tevhedze zwoṱhe zwe nda ni funza na ndaela dze nda ni siela na zwoṱhe zwe na mpfa ndi tshi amba na zwe na mmbona ndi tshi ita. Ndi hone Mudzimu Ṋemulalo a tshi ḓo vha na inwi.

Vhathu vhoṱhe kha vha ni vhone ni na vhuthu. Muṋe washu u ḓo swika hu si kale.

Hu vhushai, hu u vha na zwinzhi-zwinzhi, zwoṱhe ndo zwi ḓowela. Ndo no kwangwala kha zwoṱhe: hu u ḽa nda fura, hu u ṱwa na nḓala, hu u wana zwinzhi lwa u tou kalula, hu u shaya

Hafhu ndi tshi ralo a si uri ndi khou shaya lini; nṋe ndo no ḓiḓowedza u fushea nga zwine nda vha nazwo.