Popular Bible Verses from GENESI 24

Share

Ene a rabela a ri, “Muṋe washu, Mudzimu wa muṋe wanga Abrahamu, ita uri ṋamusi zwi nnakele, u itele muṋe wanga Abrahamu vhuthu.

Musidzana ane ndi tshi amba nae nda ri, ‘Rula mvuvhelo yau ndi nwe maḓi,’ ene a ri, ‘Kha vha nwe, ndi ḓo nwisa na gamela dzavho,’ ngavhe a tshi vha ene we wa mu khethela mulanda wau Isaka. Ndi ḓo ḓivha nga zwenezwo uri muṋe wanga wo mu itela vhuthu.”

Isaka a dzhenisa Rabeka denndeni ya mme awe Sara, a mu vhinga. A vha musadzi wawe, a mu funa; a pfa o khuthadzwa, a si tsha lilela mme awe.

Vha shudufhadza Rabeka vha ri, “Khaladzi ashu, ngavhe ni tshi vha mme a vhana vha zwigidi na zwigidi; ngavhe vhana vhaṋu vha tshi thuba miḓi ya maswina avho.”

Ndi ṱoḓa uri u ane nga Muṋe washu, Mudzimu wa ḽiṱaḓulu na ḽifhasi, uri a u nga ṱoḓeli ṅwananga musadzi kha vhananyana vha Vhakanana vhane nda dzula navho, u ḓo ya shangoni ḽa hashu mashakani anga, wa yo ṱoḓela ṅwananga Isaka musadzi henengei.”