Popular Bible Verses from VHAGALATA 3

Share

Hone Khristo Ene o ri rengulula kha u teketelwa he ra ḓiovhela nga u kundwa u khunyeledza Mulayo, a vha muteketelwa nga mulandu washu. Maṅwalo na one a ri, “Ane a vhuya a tou nembeledzwa kha thanda, o teketelwa.”

Kha vho raloho a zwi tsha dina kana u Mujuda, kana u Mugiriki, kana u phuli kana u muḓilangi, kana u munna, kana u musadzi, tenda noṱhe ni tshithu tshithihi nge na vha vhathihi na Khristo Yesu.

Zwino-ha arali ni vha Khristo ni vhaḓuhulu vha Abrahamu, ni ḓo ḽa ifa ḽe na fulufhedziswa nga Mudzimu.

Zwino-ha Khristo o pfalwo-vho uri mashudu e Mudzimu a fulufhedzisa Abrahamu, na vhannḓa vha a wane nga Khristo Yesu, uri nga u fulufhela Ene ri kone u wana Muya we Mudzimu a ri fulufhedzisa.

Zwino zwi khagala uri haho ane a pfi muvhuya nga Mudzimu nga u khunyeledza Mulayo. Hufha Maṅwalo na one a tshi ri, “Hu ḓo tshila ane a pfi muvhuya nga u fulufhela Mudzimu.”