Popular Bible Verses from ESEKIELE 34

Share

Ndi ḓo ṱoḓa dzo xelaho, dzo pambuwaho nda dzi humisa, nda pomba dzi re na mbonzhe, nda lafha dzi lwalaho. Dzo nonaho dzone na dzo khwaṱhaho ndi ḓo dzi lozwa. Ndi ḓo dzi lisa nga pfanelo.

Ndi ḓo londola nngu dzanga unga mulisa a tshi londola nngu dzawe dzo balanganaho musi e nadzo. Ndi ḓo dzi lamukisa hoṱhe he dza balanganela hone musi wa khuli na swiswi.

Muṋe wa zwoṱhe Muṋe washu u ri, “Ndi ḓo lisa sambi ḽa nngu dzanga Nṋe muṋe, nda dzula ndi tshi dzi londola.

Nṋe muṋe ndi ḓo lisa nngu dzanga, Nṋe muṋe ndi ḓo dzi isa hune dza awela hone – hu amba Nṋe Muṋe wa zwoṱhe Yahavee.

Huno inwi nngu dzanga, ni sambi ḽine nda ḓo ḽi lisa, ndi Mudzimu waṋu – hu amba Nṋe Muṋe wa zwoṱhe Yahavee!”

“Iwe ṅwana wa muthu, porofita u tshi haṱula vhalisa vha Israele; porofita u vha vhudze u ri, ‘Inwi vhalisa, Muṋe wa zwoṱhe Yahavee u ri: Khombo i ḓo wela vhalisa vha Israele vhane vha ḓifusha vhone vhaṋe! Tsha mulisa a si u lisa sambi ḽawe ḽa dzinngu naa?