Popular Bible Verses from 2 VHAKORINTA 9

Share

Ene Mudzimu u kona u ni pfumisa nga mashudu lwa u tou kalula, uri misi yoṱhe ni dzule ni si na na tshithihi tshine na shaya, ni vhe na zwinzhi zwine na kona u tonda vhaṅwe ngazwo.

Muṅwe na muṅwe nga a bvise nga he a elekanya mbiluni yawe, a tshi tou zwi funa a sa kombetshedzwi; Mudzimu u takalela ane a ṋea nga mbilu tshena.

Ḓivhani-ha uri ane a tshi zwala a tshivha mbeu, khaṋo na yone i ḓo vha ṱhukhu; hone ane a tshi zwala mbeu a si i tshivhe, khaṋo na yone i ḓo vha khulu.

Huno Mudzimu, Ene ane a ṋea muzwali mbeu, a dovha a fha vhathu vhuswa ha u ḽa, u ḓo ni ṋea mbeu ine na i lila a ita na uri i aluwe, vhuthu haṋu ha bveledza khaṋo khulu. U a ni pfumisa lune na dzula ni na zwine na kona u kovhekana na vhaṅwe, uri na vhaḽa vhe ra vha kovhela zwifhiwa zwi bvaho kha inwi vha kone u livhuha Mudzimu.

Nga ri livhuhe Mudzimu we a ri ṋea tshifhiwa tshine luambo lwa vhathu lwa kundwa u tshi ṱalutshedza!