Popular Bible Verses from 2 VHAKORINTA 1

Share

Kha ri rende Mudzimu Khotsi a Muṋe washu Yesu Khristo, Ene Khotsi wa mbilutshilidzi, Ene Mudzimu ane a ḓi ri khwaṱhisa. U a ri khwaṱhisa kha u tambula hashu hoṱhe, uri riṋe-vho ri kone u khwaṱhisa vhaṅwe vhane vha tambula nga nḓila dzoṱhe, ri tshi vha khwaṱhisa nga hune Mudzimu a ḓi ri khwaṱhisa ngaho.

Unga ri tshi kovhekana na Khristo u tambudzwa hawe lwa u tou kalula, sa zwenezwo Mudzimu o dovha a ri khwaṱhisa nga Khristo a kalula.

ra vho pfa ri tshi nga ro no haṱulelwa lufu. Hezwo zwo itea uri ri si ḓifulufhele, ri gude u fulufhela Mudzimu, Ene ane a kona u vusa vhafu.

Ndi Mudzimu ane a ri vhea roṱhe na inwi kha vhuthihi na Khristo ho khwaṱhaho. Ndi Ene we a ri ḓodza Muya a ri swaya uri ri vhe vhawe, a zwi khwaṱhisa nga u ri ṋea Muya mbiluni dzashu.

Arali ri tshi tambudzwa – tenda zwa itelwa uri inwi ni khwaṱhiswe ni tshidzwe ngazwo; zwi ḓi nga ri tshi khwaṱhiswa, na zwone zwi itelwa uri ri kone u dovha ra khwaṱhisa inwi uri inwi-vho ni tshi ṱangana na u tambula honohu hune ra vha khaho, ni kone u konḓelela ni sa fheli mbilu.