Popular Bible Verses from 1 TIMOTI 6

Share

Ni tou ḓifunga ni ome kha mbambe ya lutendo uri ni wane muṅene u re vhutshilo vhu sa gumi, ngauri ndi honoho vhutshilo he Mudzimu a ni vhidzela hone musi ni tshi ṱanzilela lutendo lwaṋu ni sa timatimi hu na ṱhanzi nnzhi.

Ndi uri mudzi wa vhuvhi hoṱhe ndi u funesa tshelede; ho no ḓi gunea vhaṅwe nga u i funesa, vha pwashekanya mbilu dzavho nga u ḓiovhela zwitumbambiluni.

Ndi zwone, u ofha Mudzimu ndi lupfumo luhulu arali muthu a tshi fushea nga zwine a vha nazwo.

Ri tshi ḓa shangoni ro ḓa na mini? Hu ḓi nga ri tshi ṱuwa ri nga si ṱuwe na tshithu.

Layani vho pfumaho fhano shangoni vha si ḓihudze vha si ḓitike nga zwithu zwi si na vhuṱanzi zwi ngaho lupfumo, tshavho hu vhe u ṱulutshela Mudzimu, Ene a no ri ṋea zwoṱhe zwi si na vhukono zwine ra ḓiphiṋa ngazwo.

Hone vhane vha tama u pfuma vha wela milingoni vha fashwa nga zwikwekwe zwa nyemulo nnzhi dza vhutsilu dzi huvhadzaho dzine dza vha lozwa vha lovha tshoṱhe.

Vha layeni uri vha ite zwivhuya, vha pfume mishumo mivhuya, vha vhe vhomapakulile, vha ḓiimisele u kovhekana na vhaṅwe. Ndi hone vha tshi ḓo ḓikuvhanganyela lupfumopfumo lune lwa ḓo vha wone muteo wo khwaṱhaho wa zwa matshelo, vha vho ḓo kona u wana vhutshilo vhukuma.