Popular Bible Verses from Titus 2

Share

Wak̇aƞṫaƞka ṫawowauƞṡila ki kpazo, oyate ki wiċoni wiċakahi ki he ṫaƞiƞyaƞ wauƞyaƞkapi. Mak̇a wiċoni el uƞkʹuƞpi eċuƞhaƞ, taku ikc̄eya uƞ uƞnipi kte ki hetaƞ uƞkigluḣlayapi kte, na e wiċoni waṡte na owoṫaƞla ki hena ogna uƞkʹuƞpi kte.

Wak̇aƞṫaƞka Niuƞyaƞpi ki woiṫuƞṗeya Jesus Christ ogna iyojaƞjaƞicʹiye, ake ku kta waċiƞyekiya aṗe uƞkʹuƞpi. He uƞkiyepi uƞ icʹicʹu heċel taku ṡic̄aya iyopte ki hetaƞhaƞ yuḣeyab uƞkic̄upi ċiƞ ki heuƞ. Wak̇aƞṫaƞka ṫaoyate heuƞċapi heuƞ ċaƞte kicʹuƞyaƞ ni uƞkʹuƞpi kta.

Ohiƞniyaƞ iwiċalaksapiƞ kte. Na taku wiċoḣʹaƞ waṡte ki he ognayaƞ nigluha na ċaƞte kicʹuƞyaƞ wauƞspewiċayakiyiƞ kte. Woiye eya uƞ wauƞspewiċayakiye ki hena taƞyaƞ yaglaḣniġiƞ kte, heċel tuweni woiye niṫawa ki hena yaṡic̄a okihi kte ṡni. Leċanu kihaƞ etaƞ el iniglepi hena iṡtelicʹiyapi kte.