Popular Bible Verses from Ndandililo 6

Share

Ambuje ŵasongoneche nnope kwa kungumba mundu pa chilambo, ni yaapoteche nnope mu ntima.

Ambuje ŵaiweni kuti ŵandu akupanganya yachigongomalo kwannope pa chilambo, ni yose yakuiganisya mmitima jao ili yachigongomalo moŵa gose.

Nambo che Nuhu ŵakundikwe paujo pa Akunnungu.

Aji ni ngani ji che Nuhu ni uŵelesi wakwe. Che Nuhu ŵaliji mundu jwambone paujo pa Akunnungu, ni sooni nganalalatilwa ni ŵandu ŵa katema ko. Ŵatemi kwakukulupilichika paujo Akunnungu.

Nipele Ambuje ŵatite, “Chinaaulaje ŵandu unaagumbile pa chilambo, iyoyopeyo chinaiulaje inyama ya mmatinji, ni yaikukwaŵa ni ijuni ya mwinani. Ngusongoneka pakuŵa naagumbile pa chilambo.”

Katema ŵandu paŵajonjesyeche pa chilambo ni kwaŵeleka ŵanache ŵachikongwe, ŵana ŵa Akunnungu ŵane ŵaweni achiŵali ŵa ŵandu ali ŵakusalala, ŵaajigele ŵaŵaasachile ni kuŵa achiŵankwawo. Nipele Ambuje Akunungu ŵatite, “Mbumu jangu ngajitama mwa ŵandu moŵa gose pangali mbesi, pakuŵa ŵanyaŵa ali ŵa kuwa pe. Sambano ngaatama kupunda yaka mia moja na ishilini.” Mu gele moŵa go ni kanyuma kakwe, paliji ni mikammandu pa chilambo yayapagwile ni achiŵali ŵa ŵandu ŵaŵajigalikwe ni ŵana ŵa Akunnungu. Mikammandu yo yaliji ni machili ni yaliji nkumanyika mmoŵa go kwa kuputana ngondo, ni yaŵilanjikwe Ŵanefili.

Che Nuhu ŵapangenye yose mpela iŵatite pakulajiswa ni Akunnungu.

Nipele Akunnungu ŵaasalile che Nuhu, “Amwiwe kwaulaga ŵandu wose pachilambo, pakuŵa ŵandu wo augumbesye utindiganyo pa chilambo pose. Ngusala isyene, chinaajonanje ŵandu wose pamo ni chilambo chose.

Kwayele nlikolochesye ngalaŵa jekulungwa kwa chitela chakulimba, njiŵilanje safina. Nkatanye yuumba ni kupaka lami nkati ni pasa.

Akunnungu ŵachilolite chilambo, ŵachiweni kuti chijonasiche, pakuŵa mundu jwalijose ŵakuiye litala lyakwe lyangalumbana.

Nomwe chinjinjisye mu safina yepanganyikwe yejumi ya uŵeleuŵele, iŵili iŵili likambaku ni likolo, aŵe ŵajumi pamo ni mmwe.