Popular Bible Verses from 1 Indu ya katema 16

Share

Mwajaulilanje Ambuje Akunnungu ŵakwete machili, mwapopelele Ambuje Akunnungu moŵa gose.

Mwaatogolele Ambuje Akunnungu pakuŵa ali ŵambone, unonyelo ŵakwe ukutamilisya moŵa gose pangali mbesi!

Mwatogolele Ambuje Akunnungu, nlilape liina lyakwa mwamanyisye ŵandu ukulu wao, mwasalile ŵandu ŵa ilambo yose indu iyaitesile!

Nlikusye liina lyao lyalikukundikwa kwa kwapopelela, Ŵakwachimbichisya Ambuje Akunnungu asangalale.

Nkumbuchile ipanganyo yakusimosya iŵaitesile, yakusimonjeka yao ni malamusi gaŵalamwile.

Mwajimbile ŵelewo, mwajimbile nyimbo sya syakwalapa, nnyisale ipanganyo yakwe yakusimosya!

Pakuŵa Ambuje Akunnungu ali ŵakulu, akulapikwa kwannope akuŵajilwa kwajogopa kujipunda minungu jose.

Mwachimbisye Ambuje Akunnungu ligongo lya ukulu wa lina lyao, nnyiche nao mbopesi sya kutisya ni njinjile mu nyuumba jao. Mwapopelele Ambuje Akunnungu pamalo pakwe pakukundikwa kwa kwapopelela.

Ukulu ni lumbili yasyungwile, Machili ni uchimbichimbi ili mmakono mwawo.

Mwajimbilanje Ambuje Akunnungu pachilambo pose. Njenesye moŵa gose kwa ŵandu ŵane yakuti atukulupwisye uwe.

Mwasalile ŵandu ŵa ilambo ukulu wakwe, mwasalile ŵandu wose indu yakusimwosya yaakuitenda.

“Ngasimwakwaya ŵandu ŵangu ŵanasagwile, ngasimwaulasya ŵakulondola ŵangu!”

Minungu jose ja ŵandu ŵa ilambo ine jangali chindu, nambo Ambuje Akunnungu ŵagumbile kwinani.

Ŵele akulikamulichisya lilangano lyao moŵa gose pangali mbesi, akukwanilisya chilanga chao kwa iŵelesi yejinji.

Kwinani ni chilambo isengwe! Ŵandu papali pose pa chilambo asaleje kuti, “Ambuje Akunnungu akutawala!”

Alapikwe Ambuje Akunnungu, Akunnungu ŵa ku Isilaeli, kutandilila moŵa gose pangali mbesi ni moŵa gose pangali mbesi! Nipele ŵandu wose ŵatite “Elo!” Sooni ŵalapile Ambuje Akunnungu.

Mwape Ambuje Akunnungu luchimbichimbi mwanyamwe ŵandu wose ŵa kila chilambo pachilambo pose, elo, mwalape Ambuje Akunnungu kwa ukulu ni machili gao.