Popular Bible Verses from ରମିୟ 14

Share

ଇନେକିଦେଂକି ଇସ୍ୱର୍ତି ରାଜି ତିନାକା ଉଣାକା ଆକାୟ୍‌, ମାତର୍‌ ଦାର୍ମି, ସୁସ୍ତା ଆରି ପୁଇପୁୟା ଜିବୁନ୍‌ତି ତାକେ ୱାରି ଆନାତ୍‌ । ଲାଗିଂ ଇନେର୍‌ ଇ ବିସ୍ରେ କ୍ରିସ୍ଟତି ହେବା କିନାନ୍‌, ହେୱାନ୍‌ ଇସ୍ୱର୍‌ ଲାଗାଂ ଇଟ୍ୟାନାକାନ୍‌ ଆରି ମାନାୟାର୍‌ ଲାଗାଂ ପରିକ୍ୟାସିଦ୍‌ ଆନାନ୍‌ ।

ଲାଗିଂ, ଜଦି ଆସେଙ୍ଗ୍‌ ଜିନାସ୍‌, ତେବେ ମାପ୍ରୁତି କାଜିଂ ଜିନାସ୍‌, କି ଜଦି ହାନାସ୍‌, ବାଟିଙ୍ଗ୍‌ ମାପ୍ରୁତି କାଜିଂ ହାନାସ୍‌ । ଇଚିସ୍‌, ଜଦି ଆସେଙ୍ଗ୍‌ ଜିନାସ୍‌ କି ହାନାସ୍‌, ଆସେଙ୍ଗ୍‌ ମାପ୍ରୁତି ଆନାସ୍‌ ।

ଇଚିସ୍‌ ୱାଡ, ଇମ୍‌ଣି ଇମ୍‌ଣି ବିସ୍ରେ ସୁସ୍ତାନିକା, ଆରେ ଇମ୍‌ଣି ଇମ୍‌ଣି ବିସ୍ରେ ହୁକେ ହାରି ହାର୍‌ ରଚ୍‌ନାସ୍‌, ହେ ସବୁନି ଆସେଙ୍ଗ୍‌ ପାଚେ ପାଚେ ହାନାସ୍‌ ।

ଲାଗିଂ ୱାଡ, ଆପ୍‌ ଆରେ ହାରି ବିଚାର୍‌ କିଉସ୍‌; ମତର୍‌ ଇନେର୍‌ ଇନେସ୍‌ ଜାର୍‌ ଟଣ୍ଡେନ୍‌ତି ହାଜ଼ିତ ବାଦା ଲାଗ୍‌ଦି ନଲେ ବୁଡାନାକା ବିସ୍ରେ ଇଟୁନ୍‌ ଇଦାଂ ଏପେଙ୍ଗ୍‌ ବିଚାର୍‌ କିୟାଟ୍‌ ।

ଲାଗିଂ ଲେକାମାନାତ୍‌, “ମାପ୍ରୁ ଇନାନ୍‌, ଆପ୍‌ ଜିବୁନ୍‌ ମାନି ପାତେକ୍‌, ୱିଜ଼ାର୍‌ ମେଣ୍ଡାଂ ମା ମୁମ୍‌ଦ ଡାଣ୍ଡାହାଣ୍‌ ମାଗ୍‌ନାକା, ଆରେ ୱିଜ଼ୁ ୱେନ୍ଦୁଲ୍‌ ଇସ୍ୱର୍ତି କେର୍‌ନାତ୍‌ । ଲାଗିଂ, ମାଦାଂ ୱିଜ଼ାର୍‌ ମାନାୟାରିଂ ଇସ୍ୱର୍‌ ମୁମ୍‌ଦ ଜାର୍‌ ଜାର୍‌ତି ଇସାବ୍‌ ହିୟାନାତ୍‌ ।”

ପାର୍ତିତ ଇନେର୍‌ ନାଦାର୍‌, ତାଙ୍ଗ୍‌ ଇଟାଟ୍‌, ମାତର୍‌ ବିନ୍‌ ବିନ୍‌ ମାନ୍ତି ବିସ୍ରେ ଗାଣ୍‌ଜୁ କିନି କାଜିଂ ହେଦାଂ କିମାଟ୍‌ ।

ଏପ୍‌ ଇନେର୍‌ ଜେ ବିନ୍‌ ଆଡ଼ିଏନ୍‌ନି ବିଚାର୍‌ କିନାଦେରା ? ହେୱାନ୍‌ ଜାର୍‌ ମାପ୍ରୁ ଲାଗାଂ ତିର୍‌ ମାନାନ୍‌ କି ମୁଞ୍ଜ୍‌ନାନ୍‌; ଆଁ, ତାଙ୍ଗେଙ୍ଗ୍‌ ତିର୍‌ କିୟାନାତ୍‌, ଇନେକିଦେଂକି ତାଙ୍ଗେଙ୍ଗ୍‌ ତିର୍‌ କିଦେଙ୍ଗ୍‌ ମାପ୍ରୁତି ସାକ୍ତି ମାନାତ୍‌ ।