Popular Bible Verses from फिलेपियो 2

Share

स्वार्थ एने जुठी बोड़ायीन केरता काय मा किरो, पुण गेरबोड़ाय माय एका दिहराह सोताह रेन हाजा सुमजो। एकेक सोतान केरता ओलोस नाह पुण दिहरान केरता बी चिन्ता केरी

जोहलो मसी यीशुन सोबाव इतो तुहलोच तुमरो बी सोबाव रेणे जुवे

जो बोगवानान वेह रूपाम एन बी तो सोताह, बोगवानान गेत नाह सोमज्यो जा माय तो जोड़ाय जाय। पुण आपणे आपाह ओहलो शुन्य केर दिनो, एने दासान वेह रूप लिदो, एने माणहान गेणतीम एय गीयो। एने माणहान वेहा माय देखीन सोताह गेरबड़ो किऱ्यो, एने न्या वोर उकुमा माय रिनो काय मोत, होव, खुरूसखाम ने मोत बी वेठ लिदो।

काहाकाय बोगवानुच हे जो आपणी हाजाली आसा दाड़ीन तुमरा मोना माय आसा एने काम, दुयू वातुन केरनेन पोरबाव टाकेल हे।

ज्यास ने वोजेसे बोगवान ताह जुलूम मोठो बी किरेल, एने ताह तो नाव आपेल जो आखा नावा माय रेन उचो हे। काय जा हेरगाम एने देरती पोर एने देरतीन बुंदे हेते, ता सोब यीशुन नाव से मांड्या पोड़ी, एने बोगवान आबाख ने बोड़ायीन केरता एकेक जिब मान लेय काय यीशु मसीच मालीक हे।

सोब काम बिगेर कुड़कुड़ावतेन एने बिगेर बोलचालान केऱ्या किरो, काहाकाय तुमू जी खाराब वोसी माय बोगवानान निर्दोस सोरा बोणीन रिवो, जान विची माय तुमू जीवायीन वचन लेतेन दुनिया माय हेलेगताला दिवान गेत देखातेह।

ज्यानकेरीन एय मारा मोंगाल्ला, जिहकेरीन तुमू जेलेम से उकुम मानते आयेल हेते, तिहेच केरीन एवी बी नाह मार हेऱ्या रेतेन पुण खाज केरीन मी सेटो रेथु, तीबी बितेन एने कापतेन आप आपणा सुटकारान काम पुरो केरती जावो