Popular Bible Verses from Utu 39

Share

Bambu Chapanga akavya pamonga na Yosefu, ndi akanekanala, atamayi munyumba ya yula mkulu waki Mumisili yula mweamugulili.

Ndava yeniyo Potifa akamupela Yosefu uhotola mumambu gaki goha na Potifa ahengili lepi na chindu chochoha ndi nga chakulya chaki mwene. Yosefu avili msongolo wa bwina na kunyamba.

Mkulu wa chifungu akamukita Yosefu avyayi mkulu kwa vakungiwa vangi voha, ayimamilayi vindu vyoha vyevii mwenumo.

Potifa akamtola Yosefu akamusopa muchifungu, pandu pevakungiwi vavanda vangi va nkosi, na Yosefu akavya muchifungu. Nambu Bambu Chapanga akavya na Yosefu, akammotisa na mkulu wa chifungu akaganiswa Yosefu.

Pelwahambili lukumbi nunuyu, mdala wa Potifa mkulu waki akamunogela Yosefu ndi akamjovela, “Gonana na nene!” Nambu Yosefu akabela, akamjovela mdala wa Potifa, “Mbwitu, mkulu wangu anipeli uhotola ga kila chindu chechivi mugati, vindu vyoha anipeli niviyangalila. Avili lepi mkulu kuliku nene munyumba iyi, mkuilu anidivalili lepi chindu chochoha chila nambu veve ndu, ndava veve wamdala waki. Nihotola wuli kukita uhakau uvaha ngati wenuwo na kumbudila Chapanga.”

Ligono limonga Yosefu akayingila mugati ya nyumba kuhenga lihengu, na pavili lepi na mundu yoyoha mugati mwenumo. Mdala wa Potifa akamukamula Yosefu nyula yeawalili na kumjovela, “Bwela tigonana!” Nambu Yosefu akamulekela nyula yila mumawoko gaki, na akatilalila kuvala.