Popular Bible Verses from ରମି 5

Share

ସାମା ମା଼ର ପା଼ପୁଗାଟି ଲ଼କୁ ମାଚାଟି ଜିକେଏ କ୍ରୀସ୍ତ ମା଼ ତାକି ତାନି ଜୀୱୁ ହୀତେସି, ଈଦାଆଁ ତଲେ ମାହାପୂରୁ ମାଙ୍ଗେ ଏଚେକା ଜୀୱୁନ଼ହିଁ ମାଞ୍ଜାନେସି, ଏ଼ଦାଆଁ ତ଼ସାମାଞ୍ଜାନେସି ।

ବା଼ର୍ସୁ ମାଙ୍ଗେ ହୀଣି ଆ଼ହାଲି ହିୟେଏ, ଏ଼ନାଆଁତାକି ଇଚିହିଁ ମାହାପୂରୁ ମାଙ୍ଗେ ସୁଦୁଜୀୱୁ ହୀହାଁ ମା଼ ହିୟାଁତା ତାନି ଜୀୱୁ ନ଼ନାଣି ହୀହାମାଞ୍ଜାନେସି ।

ୱାର୍‌ଇ ଏ଼ଦି ଆ଼ଏ, ବାରେ ଦୁକୁ କସ୍ତତା ଜିକେଏ ମା଼ର ରା଼ହାଁ କିହିମାନାୟି, ଇଚିହିଁ କସ୍ତଟି ସା଼ସା ୱା଼ନେ, ସା଼ସାଟି ବା଼ଡ଼୍‌ୟୁ ମାଣ୍‌କି ୱା଼ନେ ଇଞ୍ଜାଁ ବା଼ଡ଼୍‌ୟୁ ମାଣ୍‌କିଟି ବା଼ର୍ସୁ ୱା଼ନେ ।

ନୀଏଁ ନାମୁତଲେ ମା଼ର ମାହାପୂରୁ ନ଼କିତା ଦାର୍ମୁ ଗାଟାତାୟି ଆ଼ହାମାନାୟି ଇଞ୍ଜାଁ ପ୍ରବୁ ଜୀସୁ କ୍ରୀସ୍ତ ତା଼ଣାଟି ମାହାପୂରୁ ତଲେ ମା଼ର ହିତ୍‌ଡ଼ି ତଲେ ମାନାୟି; ଏମିନି କାର୍ମାତା ମା଼ର ମାଞ୍ଜାମାନାୟି, ଏମ୍ବାଟି ଏ଼ୱାଣି ତା଼ଣାଟି ନାମୁତା ଜିକେଏ ମାନାୟି; ଇଞ୍ଜାଁ ମା଼ର ମାହାପୂରୁତି ଗା଼ୱୁରମିତି ବା଼ର୍ସୁତା ବଡପଣ କିହିମାନାୟି ।

ଏଚିବେ଼ଲାତା ମା଼ର ଏ଼ନି ଊପେୟି ହିଲାଆଗାଟାତାୟି ମାଚାୟି, ଏଚିବେ଼ଲା ମାହାପୂରୁ ତୀରି କିହାମାଚି ବେ଼ଲାତା କ୍ରୀସ୍ତ ପା଼ପୁ ଲ଼କୁତାକି ହା଼ତେସି ।

ଏ଼ଦାଆଁତାକି ଈ କାତା ସାତା, ମା଼ର ନୀଏଁ ଏ଼ୱାଣି ନେତେରି ତଲେ ଦାର୍ମୁ ଗାଟାତୱି ଆ଼ହାମାନାକି ଏ଼ୱାଣି ତା଼ଣାଟି ମାହାପୂରୁ କ଼ପାଟି ଗେଲ୍‌ପି ଆ଼ହାଲି ଆ଼ଡିନାୟି ।

ରଅସି ମା଼ନି କିଆତାକି ଏ଼ନିକିହିଁ ହା଼ରେକା ଲ଼କୁ ପା଼ପୁ ଗାଟାରି ଆ଼ତେରି, ଏଲେକିହିଁଏ ରଅଣି ମା଼ନି କିନାଣି ତଲେ ବାରେଜା଼ଣା ମାହାପୂରୁ ନ଼କିତା ଦାର୍ମୁଗାଟାରି ଆ଼ନେରି ।

ୱାର୍‌ଇ ଏଚେକା ଆ଼ଏ, ସାମା ପ୍ରବୁ ଜୀସୁ କ୍ରୀସ୍ତ ତାକି ମା଼ର ନୀଏଁ ମାହାପୂରୁ ତଲେ ଆଣ୍ତାମାନାୟି; ଏ଼ୱାଣି ତା଼ଣାଟି ମା଼ର ମାହାପୂରୁ ତା଼ଣା ବଡପଣ ଜିକେଏ ଆ଼ହିମାନାୟି ।