Popular Bible Verses from ୱେ଼ ବ଼ଲୁ 8

Share

ମେ଼ଣ୍ତା ଡା଼ଲୁ ଏଚିବେ଼ଲା ସା଼ତା ଲମ୍ବର ମୁଦ୍ରା ଦେତି ଦେବୁଣିଏ ଲାକପୂରୁ ଆଦା ଗଂଟା ପାତେକା ସାପିଆ଼ତେ ।

ର଼ ଲମ୍ବର ଦୂତୁ ତାନି ତୀତ୍ରି ଊକିତେସି ଏଚେଟିଏ ନେତେରି ତଲେ ଆ଼ଜିୟାଁ ଅ଼ଡ଼େ ହିଚୁ ଆଣ୍ତ୍‌ୱି ଆ଼ହାଁ ଦାର୍‌ତି ଲାକ ରିତୁ, ଇଞ୍ଜାଁ ବାରେ ମା଼ର୍‌ନୁ ମା଼ଡ଼ା, ହିଃଲି ଜା଼ଡ଼ା ତଲେ ଦାର୍‌ତିତି ତୀନି ବା଼ଗାଟି ର଼ ବା଼ଗା ବାରେ ୱେହା ହାଚେ ।

ଡା଼ୟୁ ନା଼ନୁ ମେସ୍ତେଏଁ, ହା଼ଗୁତି ମାଦି ଊମ୍ବିମାନି ର଼ ଲେ଼ଡ଼ୁ କାଜା ହା଼ଡାତଲେ ଏଲେଇଞ୍ଜିମାଚାଣି ୱେଚେଏଁ, “ଆ଼ହା! ଦାର୍‌ତିତା ବାସା ଆ଼ହାମାନି ଲ଼କୁ ଆଜିହ଼ପେତି ଡଣ୍ତ ବେଟାଆ଼ନାରି, ଇଚିହିଁ ଅ଼ଡ଼େ ତୀନି ଜା଼ଣା ଦୂତୁୟାଁ ତୀତ୍ରି ଊକାଲି ହାଜିମାନେରି ।”

ଏଚେଟିଏ ରୀ ଲମ୍ବର ଦୂତୁ ତାନି ତୀତ୍ରି ଊକିନି ଦେବୁଣିଏ ଡ଼ୀଞ୍ଜିମାନି ର଼ କାଜା ହ଼ରୁ ଲେହେଁତାୟି ସାମ୍‌ଦୁରି ଲାକ ରିତେ ଇଞ୍ଜାଁ ସାମ୍‌ଦୁରିତି ଏ଼ୟୁ ତୀନି ବା଼ଗାଟି ର଼ ବା଼ଗା ନେତେରି ଆ଼ହାହାଚୁ ।

ତୀନି ଲମ୍ବର ଦୂତୁ ତୀତ୍ରି ଊକିତେସି, ଇଞ୍ଜାଁ ଦେବୁଣିଏ ହିଚୁ ବ଼ନ୍ଦାଲେହେଁ ଡ଼ୀଞ୍ଜିମାନି ର଼ କାଜା ହୁକା ହା଼ଗୁଟି ତୀନି ବା଼ଗା କାଡା ଅ଼ଡ଼େ ଊସାଣାଁ ରିତେ । ଏ଼ ହୁକାତି ଦ଼ରୁ “କାମ୍ବେଲି” ଏଚେଟିଏ ତୀନି ବା଼ଗାଟିଏ ର଼ ବା଼ଗା ଏ଼ୟୁ କାମ୍ବେଲି ଆ଼ତୁ, ଇଞ୍ଜାଁ ହା଼ରେକା ଲ଼କୁ ଏ଼ୟୁ ଗସାହାଁ ହା଼ତେରି, ଇଚିହିଁ ଏ଼ୱି କାମ୍ବେଲି କିୱି ଆ଼ହାମାଚୁ ।

ସା଼ରି ଲମ୍ବର ଦୂତୁ ତୀତ୍ରି ଊକିତେସି ଇଞ୍ଜାଁ ୱେ଼ଡ଼ା, ଲେ଼ଞ୍ଜୁ, ହୁକାୟାଁତି ବାରେ ତୀନି ବା଼ଗାଟି ର଼ ବା଼ଗା ନସ୍ତ ଆ଼ତୁ, ଇଞ୍ଜାଁ ତୀନି ବା଼ଗାଟି ର଼ ବା଼ଗା ଉଜେଡ଼ି ଊଣା ଆ଼ତେ, ଇଞ୍ଜାଁ ଲା଼ଆଁୟାଁ ମାଦେନା ତୀନି ବା଼ଗାଟି ର଼ ବା଼ଗା ଉଜେଡ଼ି ଊଣା ଆ଼ତେ ।