Popular Bible Verses from ହାନାୟି 2

Share

ଏଚେଟିଏ ମାହାପୂରୁ ତାମି ଡ଼ୀକି ହା଼ଡା ୱେଚେସି, ଅ଼ଡ଼େ ଅବ୍ରାହାମ, ଇସାହାକ ଇଞ୍ଜାଁ ଜାକୁବ ତଲେ ତାନି କିହାମାଚି ରା଼ଜିମା଼ନା ଅଣ୍‌ପିତେସି, ଇଞ୍ଜାଁ ମାହାପୂରୁ ଇସ୍ରାୟେଲ ଲ଼କୁଣି ୱେଟି କାମାଟି କିଲିବିଲି ଆ଼ହିମାନାଣି ମେସ୍ତେସି ଅ଼ଡ଼େ ଏ଼ୱାରି କସ୍ତତି ପୁଚେସି।

ଏଚର ବାର୍ସା ଆୟାଲିଏ ମିସରତି ରାଜା ହା଼ତେସି, ଅ଼ଡ଼େ, ଇସ୍ରାୟେଲ ମୀର୍‌କା ୱେଟି କାମାତି କସ୍ତଟି କିଲିବିଲି ଆ଼ହିଁ ଡ଼ୀତେରି, ୱେଟି କାମା କିହିମାଚାକି ତାମି ଡ଼ୀକି ମାହାପୂରୁ ତା଼ଣା ଏଗାହାଚେ।

ଏଚେଟିଏ କକାସି ପାଡା ଆ଼ହାଲିଏ, ଏ଼ଦି କକାଣାଇଁ ପା଼ର ମା଼ଙ୍ଗାକି ହୀତେ, ଏଚେଟିଏ କକାସି ଏ଼ଦାନି ମୀର୍‌ଏସି ଆ଼ତେସି। ଏ଼ଦାଆଁତାକି ଏ଼ଦି ତାନି ଦ଼ରୁ ମ଼ସା ଇଟିତେ; ଇଚିହିଁ ଏ଼ଦି ଏଲେଇଚେ, “ନା଼ନୁ ଈୱାଣାଇଁ ଏ଼ୟୁଟି ରେଜା କଡାମାଇଁ।”

ଏଚେଟିଏ ପା଼ରନି ମା଼ଙ୍ଗା ଏ଼ଦାଣି ଏଲେଇଚେ, “ନୀନୁ ଈ କକାଣାଇଁ ଅ଼ହାଁ ନା଼ ତାକି ପା଼ଲୁ ଊଟ୍‌ମୁ; ନା଼ନୁ ନିଙ୍ଗେ ଡାବୁୟାଁ ହିୟାଇଁ,” ଏଚେଟିଏ ଏ଼ ଇୟା କକାଣାଇଁ ଅ଼ହାଁ ପା଼ଲୁ ଊଟ୍‌ହେ।

ଏଚେଟିଏ ପା଼ରତି ମା଼ଙ୍ଗା ଏ଼ୟୁ ମୀହାଲି ନିଲ କାଡାତା ୱା଼ତେ, ତାନି ହ଼ଲେଣିସିକା କାଡା ଗିଚୁତା ରେ଼ଜିମାଚୁ। ଏଚିବେ଼ଲା ଏ଼ଦି ନା଼ଡାୟାଁ ଡାଙ୍ଗୁତା ର଼ ପେ଼ଡ଼ା ମେସାହାଁ ଏ଼ଦାଆଁ ତାଚାଲି ତାନି ହ଼ଲେଣିନି ପାଣ୍ତିତେ।

ଏଚିବେ଼ଲା ମ଼ସା ପାଡା ଆ଼ହାଲିଏ ର଼ ଦିନା ଏ଼ୱାସି ତାନି ଏବ୍ରି ତାୟିୟାଁ ତା଼ଣା ହାଜାହାଁ ଏ଼ୱାରି ବ଼ଜୁ ଡେ଼କିମାଚାଣି ମେସ୍ତେସି; ଇଞ୍ଜାଁ ର଼ ମିସରତାସି ତାନି ତାୟିୟାଁ ବିତ୍ରାଟି ର଼ ଏବ୍ରି ଲ଼କୁଇଁ ୱେ଼ଚିମାନାଣି ମେସ୍ତେସି। ଏ଼ଦାଆଁତାକି ମ଼ସା ସା଼ରିସୁଟୁ ସିନିକିତେସି, ଇଞ୍ଜାଁ ଆମ୍ବାଆରାଇଁ ମେହ୍‌ଆଲିଏ ଏ଼ ମିସର ତା଼ଣାଇଁ ହାୟେ ପା଼ୟାହାଁ ବାଃଲିତା ମୁସ୍ତେସି।