Popular Bible Verses from ରୋମିୟ 6

Share

ପାପ୍‍ତି ବାଦ୍‌ଲୁ ସାନିକା, ମାତର୍‌ ମାପୁରୁଦି ଦୟାଦି ଦାନ୍‍ ଆଜିନାତ୍‍, ପ୍ରବୁ ଜିସୁ କ୍ରିସ୍ତଦି ୱାଲେ ମିସାନି ମାଣାନ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ।

ମାତର ପାପ୍‍ ମି ମୁସ୍‌କୁ ସାସନ୍‍ କିମାପିତ୍‍ । ମିର୍‌ ମାରି ନିୟମ୍‍ତି ଆଡ୍‍ଗି ସିଲିଦେର୍‍ । ମାତର୍‌ ମାପୁରୁଦି ଦୟାଦି ଆଡ୍‍ଗି ମାନିଦେର୍‍ ।

ଡୁବନ୍‌ ଅନି ମାଣାନ୍‌ ମାଡ୍‌ ୱାନି ସାତି ମାନୁ ମିସାଜି ୱାନି ୱାଲେ ମୁସାତି ମାନିକା । କ୍ରିସ୍ତ ଏଣ୍ତେସ୍‌ ବୁବାଦି ଗୌରବ୍‌ଦି ସାକ୍ତି ଦାନ୍‍ ମାରିଡ଼େସିଜିବନ୍‌ ଆଜି ନିଙ୍ଗିଁତାନ୍‍, ମାଡ୍‌ ବା ୱାନି ଉଣ୍ତିଙ୍ଗ୍‌ ପୁନିୱାଜା ଜିଦେଙ୍ଗ୍‌ ଆଟ୍‍ନିକା ।

ମିର୍‌ ନିଜେଦିଙ୍ଗ୍‍ଁ ଏମେ ଇସାବ୍‍ତାନ୍‍ ପାପ୍‍ ଲାକ୍‍ତୁ ସର୍ପେ କିଜି ତାଗ୍‌ଇ ପାଣି ୱାଜା ବ୍ୟବହାର୍ ଆମାଟ୍‌ । ମାତର୍‌ ସାନି ମାଣାନ୍‌ ରକିୟା ପୟ୍‍ଜି ଜିବନ୍‌ ପୟ୍‍ତିମାନି ଉଣ୍ତିଙ୍ଗ୍‍ଁ ମିର୍‌ ସତ୍‍ପାଣି କିଦେଙ୍ଗ୍‍ଁ ଇଜି ନିଜେ ନିଜେଦିଙ୍ଗ୍‍ଁ ସାଜୁଦାନ୍‌ ମାପୁରୁମାନୁ ସର୍ପେ କିଦୁ ।

ମାଡ୍‌ ନେସ୍‍ନିକା, ଜେ କ୍ରିସ୍ତଦି ୱାଲେ କ୍ରୁସ ମୁସ୍‌କୁ ମା ପାଡ଼୍‍ଇ ମେନ୍ଦଲ୍‌ତି ମୁର୍ତି ସାତାମାନାତ୍‍ । ଆବେଣାନ୍‍ ମା ପାପ୍‍ ଗୁଣ୍‍ ନାସ୍ଟୁ ଆତାମାନାତ୍‌ ମାରି ମାଡ୍‌ ପାପ୍‍ତି ଦାସ୍‍ତାନ୍‍ ଡ଼ିସାୟ୍‍ ଆତିମାନିକା

ଆୟାୱାଜା ମିର୍‌ ବା ପାପ୍‍ ଉଣ୍ତିଙ୍ଗ୍‌ ସାତି ମାନିଦେର୍‍ ଇଜି ଅଡ଼୍‍ବିଦୁ । ମିର୍‌ ଇଲେଇ କ୍ରିସ୍ତ ଜିସୁଦି ମାଣାନ୍‌ ଜିବନ୍‍ତୁ ମାପୁରୁଦି ୱାଲେ ମିସାତି ମାନିଦେର୍‍ ।

ଆର୍‌ତିଙ୍ଗ୍‌ ଇନିକା ଇନାଟ୍‍ ? ମାପୁରୁଦି ଦୟା ମାରି ନାଣ୍ତ ଆନାତ୍‌ ଇଜି ମାଡ୍‌ ଇନିକା ପାପ୍‍ତୁ ଜିନା ମାଡ଼ିନାଟ୍‍ ? ଏସାଙ୍ଗ୍‍ ସିଲେ । ପାପ୍‍ ଉଣ୍ତିଙ୍ଗ୍‌ ମାଡ୍‌ ସାତି ମାନିକା ଆବେ ମାରି ଜିନାଟ୍‍ ଏଣ୍ତେସ୍‌ ?

ମିର୍‌ ପୁରା ନେସ୍‍ତିମାନିଦେର୍‍, ଜଦି ମିର୍‌ ଆମାୱାନି ଆଡ୍‍ଗି ମାନିକା ମାନାଜି ୱାନି ପୁରା ମାଟା ମାନାନିଦେର୍‍, ଆର୍‌ତିଙ୍ଗ୍‌ ମିର୍‌ ୱାନି ଦାସ୍‍ । ଜଦି ପାପ୍‍ତି ଦାସ୍‌ ଆନିଦେର୍‌, ତେନି ଦଣ୍ତ୍‍ ଆନାତ୍‌ ସାନିକା; ଜଦି ଦାର୍ମୁଦୁ ସାଲାନିଦେର୍‍, ଆର୍‌ତିଙ୍ଗ୍‌ ଜିବନ୍‌ ପୟ୍‍ନିଦେର୍‍ ।

ମାତର୍‌ ମାପୁରୁଙ୍ଗ୍‍ଁ ଦନ୍ୟବାଦ ସିଜିନା, ଜଦିବା ଅର୍‍ଲେନ୍‍ ମିର୍‌ ପାପ୍‍ତି ଦାସ୍‍କୁ ମାର୍ହିଦେର୍‍, ମିର୍‌ ଇଲେଇ ସୁସମାଚାର୍‍ତାନ୍‍ ଅଜାତିମାନି ସତ୍‍ମାଟେଙ୍ଗ୍‍ଁ ପୁରା ମୋନ୍‌ତାନ୍‍ ମାନାଜିନିଦେର୍‍ । ମିର୍‌ ପାପ୍‍ତାନ୍‍ ମୁକ୍‍ଡ଼ାଜି ଦାର୍ମୁଦି ଦାସ୍‍କୁ ଆତିମାନିଦେର୍‍ ।