ଇୟାୱାଜା ଏସ୍ତିୱାଲେ ଦୁନିଆଦୁ ଲୋକା ଇସାପ୍ ନାଣ୍ତ ଆତାର୍ ମାରି ୱାରି ନାଣ୍ତ ଆଇଲିକ୍ ଜନମ୍ ଆତେ; ନାସ୍ତିୱାଲେ ମାପୁରୁଦି ମାରିସିର୍ ଲୋକା ଆଇଲିକା ସୁନ୍ଦର୍ ସୁଡ଼ୁଜି, ୱାର୍ ଏମେୱାନିକାଙ୍ଗ୍ ବଦା କିତାର୍, ଆୟା ୱିଜୁ ଆଇଲିକାଙ୍ଗ୍ ପେଡ଼ି ଆଦେଙ୍ଗ୍ ଆସ୍ତାର୍ । ଆବେଟ୍କୁ ସଦାପ୍ରବୁ ଇର୍ହାନ୍, “ମା ଆତ୍ମା ଲୋକା ମୁସୁକୁ ୱିଜୁଦିନ୍ ତେବାଦେଙ୍ଗ୍ ଆଟ୍ଏତ୍, ଏଣ୍ତେସ୍କି ୱାର୍ ତାଗ୍ଇସାରିଦାନ୍ ସନାର୍ ୱାର୍ କାଣ୍ତା ମାତର୍; ଇୟାଉଣ୍ତିଙ୍ଗ୍ ୱାରି ବେଡ଼ା ସହେ କଡ଼େ ବାର୍ସେକ୍ ଆନାତ୍ ।” ଆୟା ବେଡ଼ାଦୁ ଦୁନିଆଦୁ ପେରିପେରି ଲୋକ୍ ମାର୍ହାର୍; ମାରି ଆୟା ୱେନ୍କା ମାପୁରୁଦି ମାରିନ୍କା ଲୋକାରି ଆଇଲିକା ୱାଲେ ଡରିତାର୍, ୱାରିମାଣାନ୍କୁ କଡ଼ର୍ ଆଇଲିକ୍ ଜନମ୍ ଆତାର୍; ୱାର୍ ବା ପୁର୍ବେକାଡ଼ାଦି ପେରିକାର୍ ମାର୍ହାର୍ ।
