Popular Bible Verses from रोमियों 5

Share

लेकीन परमेश्वर नाम मा तान प्यार इन भलाई ई रीति देल प्रगट माळतान कि याग नाव पापी अच ईरेव आग भी मसीह नाम साटी सोत्‍तुन.

अदिक ईद आशा नामी निराश माळाल, यतिकी परमेश्वर आऊन प्यार नाम मनगोळ दा हाक्यान, मतलब पवित्र आत्मा जो नाम साटी परमेश्वर उन उपहार हुन.

सिर्फ ईटा ईला, यतिकी नाव तान आपदगोळ मा घमण्ड माळतेव यतिकी नामी मालूम आद नाम आपद धीरज इक उत्पन्न माळतद. अदिक धीरज देल वळ्लीद चरित्र बन्सतद, अदिक वळ्लीद चरित्र देल आशा उत्पन्न आगतद

ईग जो नाव तान विश्वास इन कारण परमेश्वर उन मुंद न्यायी ठहरूसेव, रा नाम प्रभु यीशु मसीह अन कारण परमेश्वर नामी शांती कोटान. अदिक ईग आऊंदा द्वारा विश्वास इन कारण नाव परमेश्वर उन अनुग्रह दा जीवन व्यतीत माळतेव. अदिक नाव आ आशा मा घमण्ड माळतेव यदुर द्वारा नामी परमेश्वर उन महिमा अन सांगुळ भागीदारी सिक्याद.

यतिकी याग नाव आशाहीन ईरेव, रा ठीक समय मा नाव भक्तिहीनगोळ साटी मसीह तान बलिदान माळदुन.

इदुरसाटी याग कि नाव ईग आऊन रक्ता अन कारण न्यायी ठहरूसदेव, रा आऊन द्वारा परमेश्वर उन सिट्ट देल येती ऊळ्सकु आगतीदील?

यतिकी ह्यांग ऊंद मंळसा अन आग्या ईला मान्सदुर देल हापाळ लॉकुर पापी ठहरूसदुर, हांग अच ऊंद मंळसा अन आग्या मानसोद कारण सप्पा लॉकुर परमेश्वर उन मुंद न्यायी ठहरूसकु आदार.

सिर्फ ईदा ईला, लेकीन नाव तान प्रभु यीशु मसीह से, यार्द द्वारा नाम परमेश्वर उन सांगुळ मेल मिलाप आत, परमेश्वर दा खुश आगतार.