Popular Bible Verses from उत्पत्ति 32

Share

आग आ मंळसा आऊन से अंदुन, “ईग टु नींद हेसुर याकूब ईला बल्‍की इस्त्राएल ईत्‍तीत, यतिकी परमेश्वर से अदिक मंळसागोळ से मेहनत माळतेला नी जीकसेग्‍या.”

ईद आगदुर मा आ मंळसा याकूब से अंदुन, “ईग नानी होगगोळ.” लेकीन याकूब आ मंळसा से अंदुन, “ईला. ना नीनी आगासताका होगगोळालीन, यागासताका नी नानी आशीष कोळतीदील.”

अदिक याकूब अल्‍या रूकसेदुन. ऊंद आरी अल बंदकु व्‍हातुर ताका आऊन से मल्‍लयुद्ध माळतेला ईत्‍तुन.

आग याकूब ईद अनकु आ जागा अन हेसुर पनीएल ईटदुन; “परमेश्वर उक आमने सामने नोळदुर मा भी नान जीव ऊळदोत.”

याग आ आरी नोळदुन कि आव याकूब उक हारूस सकालुन आग आव याकूब उन जांघ इन नस इक मुटदुन अदिक मल्‍लयुद्ध माळ्‍त माळ्‍त अच आऊन नस येरेत.

आग आव याकूब से केळदुन, “नींद हेसुर येन आद?” आव अंदुन, “याकूब.”

आग याकूब आ मंळसा से अंदुन, “कृपया नी नानी तान हेसुर हेळ.” आ मंळसा उत्‍तर कोट्‍टुन, “येन माळ्‍या नान हेसुर जान्‍सकु?” अदिक आग आ मंळसा अल्‍या याकूब उक आशीष कोट्‍टुन.

नी जो जो क्‍याल्‍सा तान करूणा अदिक सच्‍चाई देल तान दास इन सांगुळ माळ्‍या, कि ना जो तान छळी इक अच हुडुकु यरदन गांगा इन आप्पाटी ईळदीन, अदिक ईग नानव येढ्‍ढ दल आगेग्‍याव, नी ईत्‍ता ईत्‍ता क्‍याल्‍सा दा टु ऊंद इन भी लायक रा हैलेच.

ई घटना अक याद माळतेला इस्त्राएल वंश ईंद ताका जाँघ इन पुट्‍टा अन मांसपेशी इक तिनालुर यतिकी ईदा मांसपेशी मा याकूब उक दुख आगीत. यतिकी आ मंळसा याकूब उन जाँघ इक मुटीदुन.

बाक याकूब अंदुन, “हे यहोवा, हे नान आजा अब्राहम उन परमेश्वर, हे नान आप्‍प इसहाक उन परमेश्वर, नी रा नान से अंदिद कि तान द्‍याश अदिक जनम भूमी दा वापस होटोग, अदिक ना नींद भलाई माळाईन

नान विनती केळकु नान वार्ट एसाव उन कय देल नानी ऊळ्‍स ना रा आऊन से अंजतीन, यागलु हिंग आग बाळुल कि आव बंदकु नानी अदिक मोय इन सांगुळ चिकोरी भी कोंद कोमुल.