Popular Bible Verses from उत्पत्ति 3

Share

याग आर्त नोळदुर कि आ मार्र इन काय तीनोर साटी वळ्‍लीद, अदिक नोळदुर दा हापाळ लुभावना, अदिक ग्यान कोळोर साटी चहासा लायक आद; आग आक अदुर काय मुरूकु तिंदुर, अदिक तान गांड उक भी कोट्‍टुर, अदिक आव भी तिंदुन.

यहोवा परमेश्वर यास आळी दाकळव जनावर माळीदुन, आ सब दा हाव चालाक ईरोद; अद हाव आर्त इन से अंत, “येन खरा आद कि परमेश्वर अंदान, ‘नीव ईद बगीचा अन्‍द यातोदु मार्र इन काय तिनबाळेतीर’?”

अदिक ना नीन अदिक ई आर्त इन बीच दा, अदिक नीन वंश अदिक ईकीन वंश इन बीच दा सिट्‍ट पैदा माळाईन; आव नीन ताल्‍ला अक कुचलुस्‍यान अदिक नी आऊन तर काल इक कच्‍या.”

बाक आर्त से आव अंदुन, “ना नीन दुख अदिक नीन व्‍हाट्‍यादी आगोद दुख इक हापाळ वाळुसाईन; नी हापाळ दुख सहन माळकु पार उक पैदा माळ्‍या; अदिक नीन लालसा नीन गांड उन मा ईत्‍तीत, अदिक आव नीन मा प्रभुता माळ्‍यान.”

अदिक तान मेहनत इन कमाई इन रोट्‍टी तिनतोद्‍या, अदिक आखरी दा मुण्‍ण दा सिकेद्‍या यतिकी नी अदुर दा टु उच तेगुकु आग्या; नी मुण्‍ण रा हुय अदिक मुण्‍ण दा का मात सिकेद्‍या.”

अदिक आदम से आव अंदुन, “नी जो तान हिंग्‍स उन मात केळ्‍द, अदिक या मार्र इन काय इन बारा दा ना नीनी आग्‍या कोटीदीन कि नी अदरी तिनबाळेत, अदरी नी तिंद इदुरसाटी जागा नीन कारण श्रापित आद. नी अदुर ऊपज जीवन तीम दुख इन सांगुळ तिनतोद्‍या

परमेश्वर अंदुन, “याव नीनी हेळदुन कि नी ऊगळा आय? याता मार्र इन काय ना नीनी तीनली मना माळीदिन, येन नी अदुर काय तींद्‍या?”

इदुरसाटी आदम उक आव तेगु बुट्‍टुन अदिक जीवन इन हादी इन पहरा कोळोर साटी अदन इन बगीचा अन पूर्व दी जीत्‍ता प्राणीगोळी, अदिक नाकु दी वयाळावाळा ज्‍वालामय तलवार इक भी हासील माळ कोंडुन.

आदम तान हिंग्‍स उन हेसुर हवा ईटदुन; यतिकी यास मंळसा जित्ता आर आ सप्‍पा मुंदुर आदिमाता आका आदुर.